Protaijerej pryznaŭsia, što dla jaho dziŭny «niehatyŭny infarmacyjny šum», jaki ŭźnik nakont fakultatyva. Jon miarkuje, što ŭ takich napadkaŭ była meta, «kab my nie hadavali sapraŭdnych patryjotaŭ, jakija dumajuć i analizujuć, duchoŭna raźvitych».

«Siońnia, kali hety fakultatyŭ realna ŭkaraniŭsia, zrobleny pieršy krok, usie ŭsio ŭbačyli i zrazumieli. Što heta, vobrazna kažučy, praryŭ. Fakultatyŭ daje nam padstavy nie tolki zajmacca čysta relihijnymi pytańniami, ale i duchoŭna i maralna ŭzbahačać čałavieka. Kali nie budzie čystaj duša, nie budzie maralnaj asnova, my nie možam kazać pra patryjatyzm. Bo jaho nielha pryščapić pa mietadyčcy, jon pavinien naradžacca znutry», — skazaŭ Fiodar Poŭny.

«Nakład 6 tysiač asobnikaŭ užo staŭ biestsieleram. Siońnia ŭžo 60 tysiač asobnikaŭ treba», — dadaŭ Fiodar Poŭny.

Nahadajem, z hetaha navučalnaha hoda ŭ škołach novy fakultatyŭ — «Asnovy duchoŭna-maralnaj kultury i patryjatyzmu». Jaho buduć pravodzić dla 5-6-ch kłasaŭ. Prahrama składałasia razam z pravasłaŭnaj carkvoj.

Katalicki kaścioł u abmierkavańni prahramy nie ŭdzielničaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0