«Dla čaho heta mohuć rabić? Naprykład, adnosna niadaŭna Orša i Lida sa 100 tysiačami žycharoŭ i Barysaŭ sa 140 tysiačami byli abjadnanyja sa svaimi rajonami. Raniej heta byli asobnyja administracyjnyja adzinki, jak Žodzina (64 tysiačy).
U siecivie jość źviestki pra nasielnictva Baraŭlanaŭ i Lasnoha stanam na 2018 h. Kali skłaści nasielnictva Lasnoha i Baraŭlanaŭ razam, to atrymajecca bolš za 36 tysiač žycharoŭ. Ale da Lidy, Oršy ci Barysava daloka.
Značyć pryčyna moža być u padatkach. U Biełarusi jość ilhoty dla dziejnaści małoha biznesu ŭ sielskaj miascovaści. Ź pieravodam u haradski status takija lhoty mohuć adabrać i tady padatki ŭ biudžet pavysiacca.
Nie varta zabyvać i pra padatki na nieruchomaść i ziamlu. Tut taksama mohuć być niepryjemnyja varyjanty dla novych haradžanaŭ — paśla kadastravaj pieraacenki», — adznačaje telehram-kanał.
Nahadajem, Alaksandr Łukašenka ličyć, što Baraŭlany treba vyłučać ź Minskaha rajona i pieratvarać u horad.
«Treba vyłučać Baraŭlany ź Minskaha rajona, rabić horadam. Administracyjna z usimi nastupstvami. Heta pieršasnaje pytańnie. My jaho ŭžo abmiarkoŭvali», — zajaviŭ Łukašenka.
Jon źviarnuŭ uvahu, što nasielnictva Baraŭlanaŭ užo paraŭnalnaje z bujnymi rajonami ŭ krainie.
