«My sabie stavim pramiežkavuju płanku ŭ 40%, jak pieršapačatkova rekamiendavała SAAZ, ale ličym, što pavinna być vakcynavana nie mienš za 60% nasielnictva. My idziom da hetaha», — skazała Alena Bohdan.

«Vakcynacyja nie abaraniaje ad zachvorvańnia ŭ pryncypie, ale jana abaraniaje ad ciažkaha, prahnastyčna niespryjalnaha ciačeńnia zachvorvańnia», — dadała jana.

Jana źviarnuła ŭvahu, što vakcynavacca treba i ciažarnym. «U hetuju chvalu pandemii my bačym, što našy ciažarnyja pacyjentki chvarejuć značna bolš ciažka, čym u pieršuju. Heta vielmi chutkaje raźvićcio paražeńnia lohkich. Tak što treba vakcynavacca, pažadana da taho, jak nastupić ciažarnaść. A kali para płanuje ekstrakarparalnyja mietady, jany abaviazkova pavinny być vakcynavanyja», — zajaviła Alena Bohdan.

***

Pavodle źviestak Minzdaroŭja na piatnicu, pieršuju dozu vakcyny atrymali 2 młn 698 tysiač biełarusaŭ, a poŭny cykł vakcynacyi prajšli 2 młn 20 tysiač čałaviek, što składaje 29 i 21,6 pracenta adpaviedna ad usiaho nasielnictva.

Клас
0
Панылы сорам
0
Ха-ха
0
Ого
0
Сумна
0
Абуральна
0