Jaŭhien Juškievič
Tak, Siarhiej Prus i Dźmitryj Bondaraŭ byli asudžanyja pavodle č. 3 art. 130 KK da 5 hadoŭ pazbaŭleńnia voli ŭ papraŭčaj kałonii za stvareńnie i raźmiaščeńnie ŭ internecie videarolika z zaklikami da supraćpraŭnych dziejańniaŭ u dačynieńni da supracoŭnikaŭ AMAP HUUS Mahiloŭskaha abłvykankama.
Dźmitryj Sončyk byŭ asudžany pavodle art. 364 i art. 369 KK da 5 hadoŭ pazbaŭleńnia voli ŭ kałonii za abrazy i pahrozy supracoŭnikam AUS u kamientarach u adnym z telehram-kanałaŭ ciaham 2020-2021 h.
Andrej Razuvajeŭ byŭ asudžany da čatyroch hadoŭ chimii za abrazu pradstaŭnika ŭłady i zachoŭvańnie niaznačnaj kolkaści porachu, jaki zastaŭsia ŭ abvinavačanaha z časoŭ zaniatku palavańniem.
Iryna Mielchier, Anton Mielchier, Halina Dzierbyš, Siarhiej Razanovič, Luboŭ Razanovič, Pavieł Razanoviča zatrymanyja pa abvinavačvańni ŭ teraryźmie. Nazvanyja ludzi znachodziacca pad vartaj z pačatku śniežnia 2020 hoda.
Eks-śledčy Jaŭhien Juškievič taksama abvinavačvajecca ŭ teraryźmie, a taksama pavodle art. 342 i 293 KK.
Pravaabaroncy zaklikajuć pierahledzieć pryniatyja ŭ dačynieńni da nazvanych palitviaźniaŭ miery, pracesualnyja rašeńni i prysudy pry vykanańni prava na spraviadlivaje raźbiralnictva i likvidacyi faktaraŭ, jakija paŭpłyvali na rašeńni ab miery strymańnia i prysudy.
