Apošni dahetul albom byŭ zapisany jašče ŭ Biełarusi.
U 2017 hodzie Hanna Chitryk źjechała ŭ Izrail. Čatyry hady jana nie vystupała na scenie. Adnak u kastryčniku 2021 hodu kalektyŭ «Ań Chitrik band» pradstaviŭ u Tel-Avivie albom «Tień», paviedamlajuć naviny.by.
Albom dastupny na sajcie hurta, a nieŭzabavie źjavicca na roznych muzyčnych płatformach. Prezientacyi adbuducca taksama ŭ Chajfie i Raananie.
Chitryk adznačyła, što kali jaje zapytvajuć pra Biełaruś, to pieršaja karcinka, jakaja ŭspłyvaje pierad vačyma, — zabityja, pakalečanyja, źbityja. Jana całkam padtrymlivaje rašeńnie viadučych akcioraŭ Kupałaŭskaha pajści z teatra ŭ žniŭni 2020 hoda.
«Dumaju, ja b była ŭ pieršych šerahach tych, chto pajšoŭ z Kupałaŭskaha teatra. U toj momant ihrać što b tam ni było na scenie aznačała skakać na kaściach. Heta antyčałaviečna — rabić vyhlad, što ničoha nie adbyvajecca, kali ludziej źniščajuć, źbivajuć. Ja liču, što toje, što zastałosia ciapier ad Nacyjanalnaha teatra imia Janki Kupały — heta budynak, jaki čakaje svaich akcioraŭ. Jany viernucca tudy abaviazkova, ja ŭ hetym upeŭniena. Pakul ja ŭsprymaju toje, što adbyvajecca tam, tak: u pamiaškańnie pryjšli niejkija ludzi i hrajuć u teatr».
«Moj syn, jakomu biełarusy niekali skazali, što jon lišni, rupicca i pieražyvaje za Biełaruś» — vialikaja hutarka z Hannaj Chitryk
