Ab hetym BiełTA paviedamiła načalnik adździeła kultury rajvykankama Valancina Baradzinčyk.
Ekspazicyja ŭ radavym hniaździe Napaleona Ordy budzie raspaviadać pra žyćcio i pobyt šlachty. U siadzibnym domie ŭładkavali rabočy kabiniet, majsterniu, haściavuju, stałovuju, bufietnuju, zału pryjomu haściej, pakoi maci mastaka Juzafiny Butrymovič i jaho plamieńnicy Chieleny Skirmunt.
Mierapryjemstvy možna budzie pravodzić u kanfierenc-zale.
Pakul dla naviedvańnia buduć adkrytyja dzieviać załaŭ.
Pastupova napoŭniać ekspanatami i astatnija pamiaškańni doma. Darečy, častku muziejnych pradmietaŭ nabyli za košt rajonnaha biudžetu. Niekatoryja rarytety na doŭhaterminovaje zachoŭvańnie pieradaŭ minski kalekcyjanier Mikałaj Siečka.
«Napaleon Orda pakinuŭ vialikuju muzyčnuju i mastackuju spadčynu. Dziakujučy jamu adnaŭlajucca mnohija stračanyja abjekty historyka-kulturnaj spadčyny Biełarusi. Było b niespraviadliva, kali b my nie adnavili jaho siadzibny dom. Hetaja asoba vartaja pavahi i pamiaci. Ličym, što doŭh ivanaŭcaŭ viarnuć ź niabytu imia našaha słaŭnaha ziemlaka», — padkreśliła Valancina Baradzinčyk.
Napaleon Orda naradziŭsia ŭ 1807 hodzie ŭ vioscy Varacevičy Pinskaha pavieta (Ivanaŭski rajon Bresckaj vobłaści). Pamior u Varšavie, ale pa zaviaščańni jaho cieła było pieravieziena i pachavana ŭ familnym sklepie ŭ horadzie Janavie (ciapier Ivanava).
