Karpiankoŭ adznačyŭ, što jaho padnačalenyja, orhany ŭnutranych spraŭ vykonvajuć vialikuju kolkaść pracy:

«Vielizarnaje ideałahičnaje mierapryjemstva. Mnoha važnych adkaznych zadač vykonvajuć unutranyja vojski, orhany ŭnutranych spraŭ. Našy ŭsie namiery, našy ŭsie zadačy, jany skiravanyja na dabro (błaho) našaj radzimy Respubliki Biełaruś. Kab vykanać ich jakasna i vierna i pravilna, ich možna vykanać tolki z božaj dapamohaj, błasłavańniem, z abaronaj, z nakazam.

U nas u vojskach šeść chramaŭ, budzie budavacca jašče dva chramy, u Homieli i Viciebsku. Uładyka Vienijamin (kiraŭnik BPC), uładyka Huryj vialikuju ŭvahu udzialajuć vychavańniu našych vajskoŭcaŭ. Treba kab pry vykanańni i našych zadač i znosinach ź nie najlepšymi pradstaŭnikami našaha hramadstva, našy sercy nie začarśćvieli.

Bo mnohija našy zadačy, jany nie tolki dla taho, kab abaranić i spynić supraćpraŭnyja dziejańni bandytaŭ, złačyncaŭ. Našy mnohija zadačy skiravanyja i na dapamohu prostym ludziam, dzieści staromu treba dapamoha, dzieści zhubiłasia dzicia, i jaho nie mohuć znajści, dzieści bieź viestak prapaŭ čałaviek.

I vy viedajecie, z Boham u sercy, my paśpiachova vykonvajem hetyja zadačy. Mnoha razmoŭ hetych zmaharoŭ, złych ludziej, podłych biesaŭ, što siła ŭ dačynieńni da ich prymianiałasia, my majem racyju, my — stvaralniki, my toje voinstva, jak kaža mitrapalit, jak kaža Huryj, voś jość na niebie anioły, jakija abaraniajuć ludziej i ŭsio dobraje, a my — ludzi, my anioły, jakija na ziamli, i sa zbrojaj abaraniajuć i našu radzimu i prostych ludziej. I z našaj Pravasłaŭnaj carkvoj my nie pieramožnyja, i my paśpiachova vykanajem usie zadačy, jakija stajać pierad orhanami unutranych spraŭ, pierad unutranymi vojskami. Vialiki dziakuj našaj Pravasłaŭnaj carkvie».

Клас
0
Панылы сорам
0
Ха-ха
0
Ого
0
Сумна
0
Абуральна
0