Pra heta jon paviedamiŭ u stychijnym vuličnym intervju žurnalistam. Jaho publikuje TMZ.
Heta byŭ pieršy kamientar Bołduina na kamieru paśla incydentu. Bołduin paviedamiŭ, što nie maje prava adkazvać na pytańni pra rasśledavańnie. Jon nazvaŭ zahinułuju Halinu Chatčyns svaim siabram. Pa słovach akciora, pierad pačatkam zdymak jon zaprasiŭ jaje i režysiora filma Džoela Soŭzu na viačeru.
«My byli vielmi, vielmi zładžanaj kamandaj, što zdymała film razam, a zatym adbyłasia heta žudasnaja padzieja», ― skazaŭ Bołduin. Jon adznačyŭ, što na zdymkach časam adbyvajucca incydenty, ale nie takija, jak hety. Vypadak jon nazvaŭ epizodam z razradu «adzin na tryljon».
Pa słovach Bołduina, jon znachodzicca ŭ pastajannym kantakcie z mužam i maleńkim synam Haliny Chatčyns. Muž apieratara «pierapoŭnieny horam», adznačyŭ akcior.
Bołduin dadaŭ, što nie moža skazać, ci budzie kali-niebudź jašče pracavać na zdymačnaj placoŭcy, dzie vykarystoŭvajecca ahniastrelnaja zbroja, i vystupiŭ za abmiežavańnie vykarystańnia takoj zbroi na zdymkach. U toj ža čas jon prapanavaŭ zadumacca, «kolki kul było vypuščana «ŭ amierykanskich filmach i telešoŭ za 75 hadoŭ amal biez zdareńniaŭ».
21 kastryčnika Alek Bołduin na zdymkach filma «Irža» (Rust) vypadkova zastreliŭ z rekvizitnaj zbroi z bajavym patronam apieratara ŭkrainskaha pachodžańnia Halinu Chatčyns. Taksama paciarpieŭ režysior filma Džoeł Soŭza.
Pierad incydentam Bołduin treniravaŭsia dastavać revalvier z kabury. Pavodle dakumientaŭ śledstva, jon nakiravaŭ zbroju na kamieru.
