Pra heta skazaŭ ministr achovy zdaroŭja Dźmitryj Pinievič u intervju «Biełaruś 1», paviedamlaje BIEŁTA.
«Krychu mienš za 4% vakcynavanych znachodziacca ŭ stacyjanarach, mienš za 0,5% - u reanimacyjnych adździaleńniach. Heta pakazvaje efiektyŭnaść vakcynacyi. Ludzi nas pačuli. My nie dapuskajem nijakaha cisku z nahody vakcynacyi. Ja miarkuju, heta vielmi važna», — skazaŭ ministr.
Pavodle jaho słoŭ, tyja ludzi, jakija pryščapilisia, užo pytajucca pra revakcynacyju. «Toj ža «Sputnik Łajt», jaki byŭ zakupleny dla maładych ludziej, studenckaj moładzi (im možna pryščaplacca adnakampanientna), šyroka vykarystoŭvajecca i ŭ revakcynacyi», - dadaŭ jon.
Dźmitryj Pinievič raspavioŭ, što sam revakcynavaŭsia, a taksama zrabiŭ pryščepku suprać hrypu. «Ja kantaktuju z dosyć vialikaj kolkaściu ludziej, naviedvaju čyrvonuju zonu. Heta maja abarona», — reziumavaŭ kiraŭnik Ministerstva.
Jak adznačyŭ Dźmitryj Pinievič, intensiŭnaha źnižeńnia zachvorvańnia COVID-19 pakul nie nazirajecca.
«My bačym pavolnuju stabilizacyju. Adnolkavyja pastupleńni chvorych, raście kolkaść vypisanych pacyjentaŭ. Mienš pastupaje ŭ stacyjanary pacyjentaŭ ź pnieŭmanijami. Hetaja tendencyja praciahvajecca», — kanstatavaŭ jon.
