Alena Anisim

Alena Anisim

— Niahledziačy na toje, jakim budzie rašeńnie Viarchoŭnaha suda, TBM nie źbirajecca składać svaich pazicyj i admaŭlacca ad svajoj dziejnaści. Tamu zaŭtra my źbirajem sakrataryjat, na jakim abmiarkujem usie nieabchodnyja dziejańni, jakija jašče mahčyma zrabić da 8-ha, usie pilnyja spravy. A kali projdzie pasiadžeńnie, mahčyma, my prajedziemsia pa ŭsich našych arhanizacyjach, pahavorym pra toje, chto i ŭ jakoj formie budzie dziejničać. Nichto nie admianiaŭ dziejnaści inicyjatyŭ i inicyjatyŭnych hrup, a ŭ Kanstytucyi jak była dziaržaŭnaść biełaruskaj movy, tak jana i zastajecca. I navat kali projduć niejkija refierendumy, dziaržaŭnaść biełaruskaj movy budzie. A značyć, u nas budzie i mahčymaść, i abaviazak dziejničać pa jaje abaronie, — skazała ŭ kamientary «Novamu Času» staršynia TBM Alena Anisim.

Pa jaje słovach, Tavarystva zadziejničaje ŭsie jurydyčnyja miechanizmy dla taho, kab paźbiehnuć likvidacyi. Kali ž Viarchoŭny sud prymie takoje rašeńnie, čalcy TBM buduć dumać ab tym, jak pracavać dalej.

— Mahčyma, chtości vybiera farmat niezarehistravanvj arhanizacyi — jak ja ŭžo kazała, inicyjatyvy, a mahčyma, što my raspačniem praces arhanizacyi novaj struktury pad novaj nazvaj.

Ciapier Tavarystva biełaruskaj movy, aproč pahrozy likvidacyi, maje doŭh zvyš 2000 rubloŭ za arendu siadziby.

«Naša sumleńnie čystaje, my zrabili ŭsio, što było ŭ našych siłach. I ad rodnaj movy admaŭlacca my nie źbirajemsia», — napisała Alena Anisim na svajoj staroncy ŭ fejsbuku.

14 lipienia ŭ siadzibie TBM adbyŭsia pieratrus. Siłaviki zabrali kalandaryki, vydadzienyja ŭ 2018 hodzie da 100-hodździa BNR, asobnyja knihi, arhtechniku — manitory, sistemnyja błoki. 

Za apošnija miesiacy ŭ Biełarusi byli likvidavanyja bolš za sotniu niedziaržaŭnych arhanizacyj, u tym liku Zhurtavańnie biełarusaŭ śvietu «Baćkaŭščyna», niezaležny Sajuz biełaruskich piśmieńnikaŭ dy inš.

Клас
0
Панылы сорам
0
Ха-ха
0
Ого
0
Сумна
0
Абуральна
0