Fota depositphotos.com.

Fota depositphotos.com.

Manakłanalnyja antycieły — heta vyrablenyja ŭ łabaratornych umovach antycieły, što pierajmajuć zdolnaść imunnaj sistemy zmahacca z kavidam. Upieršyniu jany stali viadomymi bolš za hod tamu, kali Donald Tramp, amierykanski prezident na toj čas, vylečyŭsia z dapamohaj takich antyciełaŭ ad kavidu.

Toj samy preparat, što dapamoh Trampu, nasiŭ nazvu REGN-COV2 i ličyŭsia ekśpierymientalnym. Z taho času šmat źmianiłasia. Ciapier preparaty z manakłanalnych antyciełaŭ uchvalenyja dla vykarystańnia ŭ pacyjentaŭ ź ciažkaj stupieńniu kavidu, ciažarnych žančyn, a taksama dla prafiłaktyki kavidu ŭ tych, chto mieŭ kantakt ź inficyravanym čałaviekam. Praŭda, pakul što heta datyčycca tolki ZŠA.

Što ź siabie pradstaŭlajuć manakłanalnyja antycieły?

Asnoŭny preparat takoha typu, što vykarystoŭvajecca ŭ ZŠA, raspracavany kampanijaj Regeneron — mienavita jana vyrabiła cuda-leki dla Trampa. Preparat viadomy pad nazvaj rehienieron abo «kazirivimab i imdevimab». Inšyja dazvolenyja ŭ ZŠA preparaty z manakłanalnych antycieł — «bamłanivimab i etesievimab» ad kampanii Eli Lilly i «satravimab» ad GlaxoSmithKline.

Kali manakłanalnyja antycieły traplajuć u arhanizm, jany znachodziać šypavidny białok virusa SARS-CoV-2, što vyklikaje kavid, i źviazvajucca ź im. Heta daje mahčymaść štučnym antyciełam pieraškadžać virusnym čaścinkam uvachodzić u zdarovyja kletki. Manakłanalnyja antycieły ŭvodziać praź injekcyi ŭ ruki i žyvot abo z dapamohaj kropielnicy.

Nakolki heta efiektyŭna?

Ličycca, što čym raniej prymianiajucca manakłanalnyja antycieły, tym lepiej. Preparat užyvajuć u pieršyja 10 dzion paśla źjaŭleńnia simptomaŭ abo da momantu špitalizacyi — inakš budzie zanadta pozna.

Kali ž preparat uvodziać svoječasova, jon, jak ličać ekśpierty, moža vyratavać žyćcio. Šmat daśledavańniaŭ pakazvajuć, što dla ludziej z hrup ryzyki manakłanalnyja antycieły źnižajuć vierahodnaść špitalizacyi i śmierci ad kavidu. Jość infarmacyja, što jany skaračajuć praciahłaść vyražeńnia simptomaŭ kavidu na čatyry dni. Pryjom manakłanalnych antycieł taksama moža źnizić vierahodnaść taho, što chvory na kavid čałaviek pieradaść infiekcyju kamuści inšamu.

Hetyja preparaty redka majuć pabočnyja efiekty. Tym nie mienš, jak minimum 1% z tych, chto prymaŭ rehienieron padčas treciaj fazy ispytaŭ, raspaviadali pra pačyrvanieńnie skury i śvierb na mieście injekcyi. Kazali taksama pra lichamanku, dryžyki, młosnaść, hałaŭny bol, branchaspazm, panižany kryviany cisk, razdražnieńnie ŭ horle, syp i hałavakružeńnie.

U Biełarusi manakłanalnyja antycieły pakul što nie prymianiajuć, bo heta vielmi doraha. Adnak u vieraśni ich pačali ŭžyvać u Rasii dla lačeńnia ciažarnych žančyn z hrupy ryzyki.

Ciažarnaść i kavid: voś što varta viedać

Prafiesar Karpaŭ: Ludziam, jakija chvareli na kavid, nie varta zaciahvać z vakcynacyjaj

Клас
0
Панылы сорам
0
Ха-ха
0
Ого
0
Сумна
0
Абуральна
0