U anałahičnym rejtynhu 2020 hoda košt EPAM składaŭ krychu bolš za 18 miljardaŭ dalaraŭ (na kaniec vieraśnia). Takim čynam, za hod rynkavy košt EPAM vyras amal na 15 miljardaŭ dalaraŭ, abo na 81%.

U śpis «100 samych chutkarosłych kampanij» pa viersii časopisa Fortune kampanija EPAM trapiła treci hod zapar i zaniała ŭ hetym hodzie 25 miesca. U anałahičnym rejtynhu 2020 hoda kampanija była na 21 miescy.

U śpis Fortune 100 uvachodziać publičnyja kampanii, jakija aceńvajucca pa sumie takich pakazčykaŭ, jak sukupny hadavy dachod, rost vyručki i prybytak na akcyju za apošnija try hady.

Pa danych Fortune, za hety pieryjad siaredniehadavy rost vyručki EPAM skłaŭ 22%, a rost prybytku na akcyju — 48%.

U hetym hodzie (za studzień — červień) vyručka EPAM skłała amal 1,7 miljarda dalaraŭ. U paraŭnańni z takim ža pieryjadam minułaha hoda vyručka vyrasła na 29,5%.

Pa vynikach usiaho hoda kampanija prahnazuje rost vyručki na 37%. Pry takim prahnozie hadavaja vyručka EPAM pieravysić 3,6 miljarda dołaraŭ.

Taksama sioleta intensiŭna rastuć akcyi EPAM. Učora cana akcyj dasiahnuła novaha histaryčnaha maksimumu. Adna akcyja kampanii tarhavałasia na Ńju-Jorkskaj fondavaj biržy za 674 dołary. U cełym sioleta cana adnoj akcyi EPAM vyrasła na 88%, abo na 310+ dalaraŭ.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?