Jašče ŭ 2016 hodzie było pryniataje Pałažeńnie ab paradku prymianieńnia mieraŭ biaśpieki ŭ adnosinach asobaŭ, jakim patrabujecca dadatkovaja abarona.

Zvyčajna havorka idzie pra dziaržaŭnych słužačych, ale taksama dadatkovuju abaronu mohuć paprasić infarmatary śpiecsłužb, u tym liku ŭžo asudžanyja ludzi, jakija pracujuć u intaresach siłavikoŭ u SIZA abo kałonijach, abo śviedki pa kryminalnych spravach, jakija supracoŭničajuć sa śledstvam i aścierahajucca za svajo žyćcio i zdaroŭje.

Raniej u Pałažeńni było zamacavana, što orhan, jaki adkazvaje za biaśpieku, pavinien pieravieźci čałavieka ŭ biaśpiečnaje miesca razam ź nieabchodnymi jamu rečami, a taksama štomiesiac vypłačvać materyjalnuju dapamohu ŭ pamiery minimalnaha spažyvieckaha biudžeta (na siońnia heta amal 595 rubloŭ). Ciapier hetu sumu padniali — da dvuch biudžetaŭ kožny miesiac, pakul čałaviek znachodzicca pad abaronaj. To bok amal da 1190 rubli.

U vypadku, kali taki čałaviek pierajazdžaje ŭ inšaje miesca, jamu buduć vypłačvać čatyry biudžety pražytkavaha minimuma (raniej było dva) ci 2379 rubloŭ u pieršyja try miesiacy, a paśla ŭžo pa dva biudžety (raniej byŭ adzin) ci pa 1190 kožny miesiac, pakul situacyja dla jaho nie budzie biaśpiečnaj. 

Taksama źmianiajecca paradak prasłuchoŭvańnia razmovaŭ asoby, jakoj vydzialajuć dadatkovuju abaronu. Raniej śpiecsłužby pavinny byli infarmavać pra heta prakurora, ciapier heta ŭžo nie patrabujecca. 

Aproč taho, urad pryniaŭ Pałažeńnie ab paradku i ŭmovach abaviazkovaha strachavańnia sudździaŭ, siłavikoŭ i, što admietna, ich blizkich.

U vypadku kalectva ci inšaj škody zdaroŭju ŭ suviazi z pasiahalnictvam na momant prymianieńnia da supracoŭnika mieraŭ biaśpieki jamu vypłačvajecca strachoŭka:

  • piacihadovy zarobak — kali čałaviek staŭ invalidam I hrupy
  • čatyrochhadovy zarobak — za II hrupu
  • trochhadovy zarobak — za III hrupu invalidnaści.

Kali paškodžańni nie pryviali da invalidnaści, to za ciažkija cialesnyja paškodžańni vypłaciać zarobak, roŭny dvum hadam pracy, za mienš ciažkija paškodžańni — hadavuju zarpłatu.

U vypadku śmierci sudździ ci siłavika, jakoha brali pad śpiecyjalnuju abaronu, jaho siamja razava atrymaje 15-hadovy zarobak.

Na takija ž sumy mohuć raźličvać i rodnyja asobaŭ, jakich biaruć pad dadatkovuju abaronu, kali było pasiahalnictva i na ich žyćcio i zdaroŭje. 

Takim čynam dziejsnaja ŭłada demanstruje paśladoŭnuju i pavyšanuju abaronu sudździaŭ i siłavikoŭ. Nahadajem, što sioletnija źmieny ŭ kryminalnyja zakony pavysili adkaznaść za źniavahu, napad ci sprobu napadu na supracoŭnikaŭ siłavych struktur.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?