Učora pačałasia najbolšaja sproba niezakonnaha, masavaha i siłavoha parušeńnia ŭschodniaj miažy Polščy i Jeŭrapiejskaha Sajuza. Pakolki Polšča abviaściła nadzvyčajnaje stanovišča ŭ pamiežnaj zonie, žurnalisty spyniajucca za 30 m da miažy i nie mohuć atrymać nijakuju infarmacyju pra padziei tam.

Sama miaža Polščy ź Biełaruśsiu ciahniecca 240 km, ale kanflikt razhareŭsia ŭ rajonie pierachodu Bruzhi (biełaruski bok) — Kuźnica (polski bok).

Ludzi ŭ Kuźnicy kažuć, što stolki vajskovaj techniki nie bačyli navat na paradach.

Aficyjnaj infarmacyi nie chapaje. Siońnia nočču nad Kuźnicaj było čuvać pažarnyja sireny, lotali vajskovyja hielikoptary, jeździli mašyny chutkaj dapamohi, ale ad uładaŭ nie pastupała infarmacyi pra pryčynu i miesca pažaru. Ci źviazana heta niejak ź mihrantami, nieviadoma. Pa nieaficyjnaj infarmacyi, hareŭ palicejski pastarunak u Tolčy, pamiežnym miastečku, što lažyć jašče dalej na poŭdzień ad Kuźnicy.

Žurnalisty źviazvajucca sa svajakami mihrantaŭ, jakija paćviardžajuć, što biełaruskija śpiecsłužby prapanujuć im pierasunucca na poŭdzień uzdoŭž miažy, u rajon Biełaviežskaj puščy, pakolki pamiežnaja zona tam achoŭvajecca nie tak pilna.

Fota: twitter / @StZaryn

Fota: twitter / @StZaryn

Dalnabojščyk z Hrodna, ź jakim udałosia pahavaryć karespandentu ŭ paniadziełak, kaža, što kala inšaha pierachodu, Karobčycaŭ, što za 12 km ad Hrodna, jon bačyŭ kala tysiačy mihrantaŭ, jaho kaleha pa racyi paźniej pieradaŭ, što ich užo sabrałasia kala piaci tysiač.

Ministar-kaardynatar śpiecsłužb Polščy Stanisłaŭ Žaryn paviedamiŭ u intervju TVP info, što nie moža ŭ poŭnaj miery harantavać biaśpieku miascovym žycharam.

Premjer-ministar Polščy Mateuš Maraviecki napisaŭ u fejsbuku, što pazicyja Polščy ŭ hetym kanflikcie zastajecca niepachisnaj — nie paddavacca na šantaž Łukašenki. Z Polščaj salidaryzujucca Litva, Łatvija, Estonija, Ukraina; staršynia Jeŭrapiejskaj Kamisii Ursuła fon der Lajen vykazała rašučuju padtrymku palakam, mnohija lidary Jeŭrapiejskaha Sajuza asudzili kroki ŭładaŭ Biełarusi i zaklikali spynić eskałacyju kanfliktu na miažy ź ES. 

Maraviecki zaŭvažyŭ, što chiba nie chapaje padtrymki tolki ad adnaho boku — ad svajoj ža apazicyi.

Nastroi ludziej u Polščy pa mihranckim pytańni taksama vostra padzialilisia. Aktyvisty pravaabarončych arhanizacyj, abjadnanych u aljans Border Group, vystupili sa zvarotam da polskich uładaŭ dapuścić ich terminova ŭ pamiežnuju zonu i akazać dapamohu mihrantam, jakija apynulisia ŭ pastcy. Niekatoryja aktyvisty pa sacyjalnych sietkach adšukvajuć mihrantaŭ, jakija zabłukali ŭ lasach, užo pierajšoŭšy miažu, — i jeduć ich ratavać na mašynach, spadziejučysia, što apiaredziać pamiežnikaŭ.

Skryn videa

Skryn videa

Tym časam dabračynnaja arhanizacyja Caritas Polska sumiesna z kaściołam akazvaje dapamohu mihrantam uzdoŭž miažy. La kožnaj carkvy ŭ pamiežnych rajonach vystaŭleny namiot, dzie možna atrymać nieabchodnuju dapamohu: arhanizacyja padrychtavała 2000 pakunkaŭ, u kožnym ź jakich plaška vady, enierhietyčny batončyk, termakoŭdra ci hrełka dla ruk.

Arhanizacyja ŭžo akazała dapamohu mihrantam na 250 tysiač dalaraŭ. A 21 listapada musić pačacca zbor srodkaŭ u kožnaj carkvie Polščy, jak zaklikaŭ Archibiskup Handecki. Padkreślivajecca, što hrošy pojduć nie tolki na časovyja patreby mihrantaŭ, ale i na adaptacyju ŭsich tych, chto paprosić prytułku ŭ Polščy.

Bolš za 2000 mihrantaŭ sprabujuć prarvacca praź biełaruska-polskuju miažu. Što tam adbyvajecca? 

Donald Tusk pra mihrantaŭ na miažy: «Mahčyma, čas pačać realizacyju 4-ha artykuła NATO»

«Susiedzi mohuć pajści na časovuju błakadu miežaŭ navat u handlovych metach». Da čaho jašče moža pryvieści abvastreńnie mihracyjnaha kryzisu?

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?