Tekst vystupleńnia apublikavany na sajcie pasolstva Biełarusi ŭ Aŭstryi, źviartaje ŭvahu Reform.by

Biełaruski bok zajaŭlaje, što situacyja na miažy Biełarusi i JeC zastajecca «vielmi napružanaj», ale dziejańni Minska nie nakiravanyja na sadziejničańnie nielehalnaj mihracyi ŭ Jeŭrasajuz i nazyvaje takija abvinavačvańni hałasłoŭnymi.

Biełaruskaja delehacyja pryviała niekatoryja ličby, jakija datyčacca mihracyi. Tak, u studzieni-žniŭni hetaha hoda za parušeńnie miažy było zatrymana bolš za 600 čałaviek, za parušeńnie zakanadaŭstva ab pravavym stanoviščy — 130 čałaviek. Było spyniena 11 kanałaŭ niezakonnaj tranzitnaj mihracyi, zatrymana 15 arhanizataraŭ i pamahatych, raspačata 14 kryminalnych spraŭ. U vieraśni-kastryčniku bolš za 30 turfirmam zabaranili padavać zajaŭki na atrymańnie turystyčnych viz u aeraporcie i zamiežnych ustanovach Biełarusi dla hramadzian krain, niaŭdałych u mihracyjnym staŭleńni.

Z 28 vieraśnia zamiežnikam z krain mihracyjnaj ryzyki vydajuć vizy nie ŭ aeraporcie, a ŭ zamiežnych ustanovach Biełarusi ŭ Jehipcie, Iranie, Nihieryi, Pakistanie, Siryi, Turcyi. Z 19 kastryčnika Biełaruś całkam spyniła vydavać turystyčnyja vizy hramadzianam Afhanistana, Jemiena, Samali, Demakratyčnaj Respubliki Konha.

Pavodle stanu na 11 listapada ŭ minskim aeraporcie admovili ŭ vydačy vizy bolš za 511 zamiežnikam. Kala 300 zamiežnikaŭ nie puścili ŭ krainu pa inšych padstavach.

Z pačatku hoda bolš za 400 zamiežnikaŭ źviarnułasia chadajnictvami ab abaronie ŭ Biełarusi. U asnoŭnym heta hramadzianie krain Afryki, Iraka, Jemiena, Irana. Ich nakiravali ŭ punkty časovaha pasielišča i raźmiaščeńnia biežancaŭ, jakija ŭ sapraŭdny momant amal zapoŭnienyja. Za apošnija 10 miesiacaŭ ź Biełarusi byli vysłanyja 1538 zamiežnikaŭ.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?