Fisienka minčuk, chadziŭ u škołu №20 pa vulicy Maksima Tanka. Vučyŭsia ŭ maskoŭskim MHIMO na mižnarodnym pravie. Kandydat jurydyčnych navuk.

Baćka Ihara, Valancin Fisienka, taksama byŭ dypłamatam. Jon uznačalvaŭ pasolstva Biełarusi ŭ Aŭstryi, byŭ adnym ź pieršych pasłoŭ niezaležnaj krainy. Pamior u 2016 hodzie na 82-m hodzie žyćcia.

Karjeru Ihar Fisienka pačynaŭ u Ministerstvie justycyi, adnak u chutkim časie pierajšoŭ u MZS. Pracavaŭ u Brusieli, byŭ pasłom Biełarusi ŭ Jehipcie (i jašče šerahu afrykanskich krain pa sumiaščalnictvie). Uznačalvaŭ Hałoŭnaje konsulskaje ŭpraŭleńnie MZS.

Z žonkaj Fisienka paznajomiŭsia padčas sumiesnaj pracy ŭ Ministerstvie justycyi. Łarysa zachaplajecca kvietkavym dyzajnam. Para razam užo bolš za 20 hadoŭ, u ich dvoje synoŭ. Starejšy — Mikita — taksama vyrašyŭ stać dypłamatam. Siastra pasła Iryna žyvie ŭ Kalifornii.

Siamja šmat padarožničaje na ŭłasnym aŭtamabili, dajazdžali na im navat da Hrecyi.

Čytajcie taksama: Pasoł Biełarusi ŭ Francyi: Łukašenka stvaryŭ krainu, a Niechta kaardynujuć uzbrojenyja siły Polščy

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?