Fota z Pixabay.com
Indaniezija daŭno mieła ambicyju stać klučavym hulcom u elektratranspartnaj industryi. Narešcie kamanda daśledčykaŭ z Depaku, što ŭ Indaniezii, prydumała, jak pierapracoŭvać hušču ŭ hrafien, formu vuhlarodu, jaki možna ŭ svaju čarhu dadavać da anodaŭ ŭ elektramabilnych akumulatarach.
Jany prydumali i jak pierapracoŭvać reštki kakosaŭ ŭ nieabchodny vuhlarodny materyjał, ale pakul nie vyznačylisia, što z arhaniki bolš efiektyŭnaje — kava ci kakosy.
Pieravahi batarei na kavie
Takija batarejki važać značna mienš za zvyčajnyja akumulatary (200 kh suprać 500). A heta ŭ svaju čarhu dazvolić surjozna pavialičyć prabieh mašyny.
Nu i novaj batarejcy spatrebicca tolki 30 chvilin dla taho, kab poŭnaściu zaradzicca, u toj čas jak bolšaść elektramabilnych akumulataraŭ na siońnia vymahajuć dźviuch hadzin dla padzaradki. Daśledčyki sprabujuć jašče bolš skaracić čas dla padzaradki batarei na kavie — i źvieści jaho da 15 chvilin.
Batareja — klučavy kampanient elektramabilaŭ i na jaje prychodzicca 25-40% koštu ŭsioj mašyny.
U vieraśni hetaha hoda pačałosia budaŭnictva pieršaha zavoda elektramabilnych batarej na Zachodniaj Javie, što ŭ Indaniezii. Heta pieršy taki zavod u paŭdniova-ŭschodniaj Azii, i jaho płanujuć zapuścić užo ŭ 2024 hodzie.
Ekałahičnaść
Niahledziačy na zajavy kiraŭnictva krainy pra toje, što jany chočuć damahčysia ekałahičnaj vytvorčaści, śpiecyjalisty zaŭvažajuć, što vykarystańnie nikielu dla batarej — praces vielmi enierhazatratny, a kraina atrymlivaje svaju enierhiju najpierš z vuhalu. U Indaniezii vykidajecca ŭ atmaśfieru adna z samych vialikich kolkaściaŭ parnikovych hazaŭ u śviecie.
Jak źjaviłasia ideja z kavaj?
Daśledčyki pačali z taho, što chacieli navučycca jak-niebudź vykarystoŭvać kavavuju hušču, jakoj było tak šmat u Indaniezii i jakaja prosta vykidałasia ŭ śmiećcie. I adnojčy jany pačali zabirać hušču z univiersiteckaj stałoŭki dy ładzić ź joj ekśpierymienty.
Navukoŭcy vyśvietlili, što hušču možna pierapracavać u hrafien, jaki pavyšaje pravodnaść u lityj-ijonnych batarejach. Tak i źjaviłasia ideja z batarejami na kavie.
Ciapier navukoŭcy analizujuć, jaki hatunak kavy samy prydatny dla batarej. I adznačajuć, što takija elemienty možna budzie vykarystoŭvać u roznych śfierach — nie tolki ŭ elektramabilach.
Daśledavańnie zaniało ŭ navukoŭcaŭ try hady.
Samsung razrabotała hrafienovyja akkumulatory, kotoryje zariažajutsia v piať raz bystrieje. Čto eto?
Pierśpiektyŭnaja technałohija: hnoj na fiermach buduć apracoŭvać płaźmiennym zaradam
Brytancy stvaryli recept bietonu dla pracy na inšych płanietach. U jaho składzie — kaśmičny pył, a taksama kroŭ, pot i ślozy astranaŭtaŭ (heta nie žart)
