BiełTA
Ideju pryjomu Niamieččynaj mihrantaŭ, jakija sabralisia na biełaruska-polskaj miažy, adkidaje amal pałova žycharoŭ krainy. U chodzie apytańnia, praviedzienaha sacyjałahičnym instytutam YouGov, 45 pracentaŭ udzielnikaŭ nie pahadzilisia z tym, kab dazvolić choć by častcy hetych mihrantaŭ pryjechać u Niamieččynu, kab tam razhledzieli ich chadajnictvy pra prytułak. Vyniki apytańnia byli apublikavanyja ŭ subotu.
Usiaho dzieviać pracentaŭ respandentaŭ zhodnyja, kab hetyja ludzi prybyli ŭ Niamieččynu i ich chadajnictvy ab prytułku byli razhledžany bieź jakich-niebudź papiarednich umoŭ. 21 pracent niemcaŭ pahadziŭsia b na ŭjezd mihrantaŭ tolki ŭ tym vypadku, kali častku ludziej z hetaj hrupy prymuć inšyja krainy ES. Jašče 18 pracentaŭ apytanych vystupili za pryjom tolki tych mihrantaŭ ź biełaruska-polskaj miažy, jakija biahuć z zony bajavych dziejańniaŭ.
