U Niamieččynie zaviaršyłasia cyrymonija z nahody zaviaršeńnia znachodžańnia Anhieły Mierkiel na pasadzie kanclera.
U honar zaviaršeńnia terminu Mierkiel va ŭnutranym dvary Ministerstva abarony arhanizavali tradycyjny vajskovy cyrymanijał.
Na cyrymoniju zaprasili ŭsich asob, jakija zajmali ministerskija pasady va ŭradach Mierkiel roznych pieryjadaŭ — usiaho bolš za 200 čałaviek.
Vajskoŭcy prajšli maršam z zapalenymi pachodniami, pavodle niamieckaha zvyčaju.
U kancy cyrymonii arkiestr syhraŭ try muzyčnyja kampazicyi, jakija vybrała sama Mierkiel: chryścijanski himn «Vialiki Boža, my słavim ciabie», a taksama pieśniu «Dla mianie praljecca doždž z čyrvonych ruž» kinazorki 1950-ch hadoŭ Chilhierald Knief i šlahier 1970-ch «Ty zabyŭ kalarovuju plonku» pank-rokieršy z HDR Niny Chahien.
