Čałaviek, jaki pradstaviŭsia Abu Amaram, paviedamiŭ, što ŭ łahier siryjcaŭ pryjšli dva čałavieki, adzin u vajskovaj formie, druhi — u cyvilnym, jakija paviedamili ŭciekačam, što ciaham troch dzion jany pavinny prarvacca na polski bok. Čałaviek u cyvilnym zapeŭniŭ Abu Amara i jaho ziemlakoŭ, što biełaruskija pamiežniki zabiaśpiečać im svabodny vychad.
U advarotnym vypadku biežancaŭ abiacali vyvieźci ŭ Minsk i departavać na radzimu, u Siryju.
Pa słovach surazmoŭcy «Novaj haziety», pa hety dzień u rajonie pamiežnaha punkta la Hrodna zastajucca kala 1400 biežancaŭ, bolšaść — z kurdskich rajonaŭ Iraka i Siryi. Adnak jość i araby, kala 150 čałaviek, ź ich 53 — siryjcy ź Idliba, apošniaha niepadkantrolnaha Bašaru Asadu rehijona Siryi.
Uśled za pieršymi viziciorami ŭ łahier biežancaŭ pryjechała zdymačnaja hrupa «Biełaruś-1», jakaja źniała «stychijny» mitynh biežancaŭ sa zvarotami da Papy Rymskaha. Na adnym ź videa, pieradadzienym u «Novuju hazietu», čutny hołas «cyvilnaha»: «Tak, tak, ja jašče na svoj nośbit zdymaju».
