Dźmitryj Kruty
Pavodle słoŭ Krutoha, 65% pryrostu ekanomiki ŭ nastupnym hodzie čakajecca za košt ekspartnych pastavak. Prahnazujecca, što ekspart vyraście prykładna na $2,7 miljarda abo 106,3%.
Asnoŭnyja rynki — Kitaj (+32%), Rasija — +9,5% i Afrykanski kantynient — +52%. Asnoŭnyja krainy ŭ Afrycy — Jehipiet i Zimbabve, tut užo jość kankretnyja kantrakty pa pastaŭcy biełaruskaj techniki. Heta traktary, hruzaviki, pradukcyja sielhasmašynabudavańnia.
Što z pastaŭkami ŭ Jeŭrasajuz?
«Naturalna, z ulikam sankcyjnaha cisku i analizu pa tych pradpryjemstvach, jakija znachodziacca ŭ adpaviednych śpisach, była składzienaja bolš tvorča matryca pastavak tavaraŭ u Jeŭropu. Tyja tavary i pasłuhi, jakija nie trapili pad sankcyi, — pa im nie płanujecca nijakaha padzieńnia», — skazaŭ Dźmitryj Kruty.
Jon adznačyŭ, što ŭžo ciapier pryjšło prykładna 50% ekspartnych zajavak.
«Pa toj hrupie, jakaja znachodzicca ŭ sankcyjnym śpisie, pavodle acenak ekśpiertaŭ — prykładna $250-300 miljonaŭ na hod. Heta ŭ pieršuju čarhu enierhietyčnaja hrupa, naftachimičnaja. Płanujecca, naturalna, źnižeńnie pastavak, tamu idzie pieraaryjentacyja patokaŭ na tyja rynki, pra jakija ja skazaŭ vyšej. Heta zadača numar adzin dla našych pradpryjemstvaŭ», — akcentavaŭ Kruty.
