Nastaśsia Kaściuhova napisała ŭ Tvitary:
«Siońnia pamior moj dziadula, i ŭ jaho faktyčna niama svajakoŭ, jakija mohuć jaho pachavać. Maci ŭ turmie, ja ŭ emihracyi, babula pamierła, jaho syn, moj dziadźka, taksama pamior daŭno. Moj baćka pamiraje ad raku, i ŭ mianie pačynajuć zakančvacca svajaki, ź jakimi ja mahu pahavaryć».
Palitołaha Valeryju Kaściuhovu, redaktarku sajta «Našie mnienije», zatrymali 30 červienia. Na jaje zaviali kryminalnuju spravu pa pieršaj častcy 357-ha artykuła («Zmova abo inšyja dziejańni, učynienyja z metaj zachopu dziaržaŭnaj ułady»), 6-j častcy 16-ha artykuła («Saŭdzieł u złačynstvie») i 3-j častcy 361-ha artykuła («Zakliki da dziejańniaŭ, nakiravanych na škodu źniešniaj biaśpiecy Biełarusi, jaje suverenitetu, terytaryjalnaj niedatykalnaści, nacyjanalnaj biaśpiecy i abaranazdolnaści»).
Detali spravy nie razhałošvajucca, advakat pad padpiskaj ab nievydavańni
«Adzinaje, pra što ja mahu daviedacca, heta pra datu suda, — kaža dačka palitźniavolenaj Nastaśsia Kaściuhova. — Ale pakul pra sud havorki niama».