Čytajcie taksama: Łucki: Łukašenka daŭ daručeńnie pravieści acenku dziejańniaŭ kampanii A1 i pryniać samyja žorstkija miery.

Nacbank Biełarusi pravieryć RRB-Bank, Alfa-Bank i BSB Bank. Pačatak pravierki RRB-Banka namiečany na sakavik, Alfa-Banka — na krasavik, BSB Banka — na červień.

Prakurorskija rabotniki pravierać stan spraŭ u «Płanara», kirujučaj kampanii chołdynhu «Minski matorny zavod», Biełaruskim dziaržaŭnym ekanamičnym univiersitecie (BDEU) i na MMZ imia Vaviłava.

Kamitet Dziaržkantrolu pravieryć BNTU, kirujučuju kampaniju chołdynhu «Minski matorny zavod», TAA «LenPraduktServis» (brend «Śviatłafor»), TAA «Fiks Prajs Zachad» (brend Fich Price), «Pramahralizinh», «Atłant», Minski traktarny zavod, Biełahraprambank, Nacyjanalnuju biblijateku Biełarusi i Biełhidramiet.

Ministerstva antymanapolnaha rehulavańnia i handlu ŭ mai pačnie pravierku TAA «Tytuń-Inviest».

Kantralory ź sistemy Ministerstva achovy zdaroŭja ŭ 2022 hodzie pryjduć na «Miłavicu», Minski instrumientalny zavod, «Minskbakalejahandal», Vopytny zavod mietałakanstrukcyj, kirujučuju kampaniju chołdynhu «Intehrał», AAT «Draždžavy kambinat», SAAT «Fierejn», a taksama MZAŁ imia Mašerava.

Minfin u 2022 hodzie pravieryć Biełnaftastrach i Biełaruskuju dziaržaŭnuju akademiju avijacyi.

Orhany Ministerstva pa padatkach i zborach pačnuć pravierki ŭ dačynieńni da TAA «Hurmina», TAA «Ojł Motor» i TAA «Mir fartu».

Клас
0
Панылы сорам
0
Ха-ха
0
Ого
0
Сумна
0
Абуральна
0