Pavodle SK, «Puškin vykonvaŭ i raźmiaščaŭ u adkrytym dostupie partrety pamahatych nacysckich złačyncaŭ u vobrazie biełaruskich patryjotaŭ i hieraičnych asob. Abvinavačany raźličvaŭ na davier hledačoŭ da mastaka, tym samym pastaviŭ na adzin uzrovień sapraŭdnych hierojaŭ i zdradnikaŭ, a taksama padvierhnuŭ sumnievu rašeńni Mižnarodnaha vajennaha trybunała, jakija nie majuć terminu daŭnaści».

Mastaku vystaŭlenaje abvinavačvańnie pa č. 3, art. 130 — reabilitacyja nacyzmu, a taksama pavodle art. 370 — ździek ź dziaržaŭnych simvałaŭ

«Jon na pastajannaj asnovie ŭdzielničaŭ u niezakonnych akcyjach i, adčuvajučy ŭsiodazvolenaść, ździekavaŭsia ź dziaržaŭnych simvałaŭ».

«Pry vyvučeńni asoby abvinavačanaha ŭstanoŭlena, što jon nieadnarazova pryciahvaŭsia da kryminalnaj adkaznaści, pačynajučy z 1989 hoda, ździajśniaŭ dziejańni, nakiravanyja na reabilitacyju nacyzmu», — zaznačaje SK i dadaje, što da materyjałaŭ kryminalnaj spravy dałučanyja zaklučeńni bolš čym 40 ekśpiertnych daśledavańniaŭ.

***

Nahadajem, što na vystavie ŭ Hrodnie ŭ sakaviku 2021 hoda demanstravaŭsia partret dziejača antysavieckaha padpolla Jaŭhiena Žychara. Tady Puškina i abvinavavacili ŭ «raspalvańni rasavaj, nacyjanalnaj, relihijnaj albo inšaj sacyjalnaj varožaści» (art. 130, č.3). Mastak u toj čas byŭ va Ukrainie, ale viarnuŭsia dachaty, dzie i byŭ aryštavany. Z kanca sakavika jon znachodzicca za kratami. Jamu pahražaje da 12 hadoŭ kałonii.

Клас
0
Панылы сорам
0
Ха-ха
0
Ого
0
Сумна
0
Абуральна
0