Fota: president.gov.by
Stała viadoma, što były ministr handlu Uładzimir Kałtovič pryznačany namieśnikam kiraŭnika aparatu Saŭmina.
De-jure heta administratyŭnaja pasada, Aparat Saŭmina zabiaśpiečvaje rabotu premjera i jaho namieśnikaŭ: afarmlaje daručeńni, kuryruje ministerstvy ŭ płanie vykanańnia zadač i hetak dalej.
De-fakta Kałtovič stanovicca ministram biez partfiela, bo budzie zajmacca adkaznaj śfieraj — pytańniami intehracyi z Rasijaj u ramkach hetak zvanaj «sajuznaj dziaržavy». Raniej takoha piersanalnaha adkaznaha nie było.
Rasija nastojvaje na takich ekanamičnych pieraŭtvareńniach u Biełarusi, jakija dadatkova pryviazvajuć biełaruskuju ekanomiku da rasijskaj.
Kałtoviča adnosiać da «prabiełaruskaha kryła» čynoŭnikaŭ, ale kalehi apisvajuć jaho jak čałavieka, jaki hatovy dyskutavać tolki da momantu pryniaćcia rašeńnia, a dalej dyscyplinavana vykonvaje, jakoje b jano ni było.