U listapadzie 2020 hoda była stvoranaja zakrytaja telehram-supołka «Kulinarnyja recepty» («Kniha receptaŭ», «Bon Apetit»), u jakuju ŭ rozny čas uvachodziła da 10 čałaviek.

Jaje metaj nazyvajucca «akcyi skiravanaha dziejańnia» suprać słužbovych asob i dziejańni pa paškodžańni abjektaŭ haradskoj infrastruktury.

Vyniki vykładvalisia ŭ hrupu, a zatym nakiroŭvalisia administrataram telehram-kanała «Busły Laciać», jaki ŭvachodzić u niefarmalnuju arhanizacyju «Supraciŭ».

Pieraličvajucca złačynstvy, jakija nibyta ździejśnili zatrymanyja:

  • 4 sakavika z 19:30 da 22:00 na biezachoŭnaj aŭtamabilnaj stajancy ŭ dvary doma №1A pa vuł. Vatucina ŭ Barysavie paškodzili čatyry šyny aŭtamabila Lada Vesta, jaki naležyć sudździ, a taksama ablili bolš za try elemienty kuzava čyrvonaj farbaj;
  • z 16:20 14 sakavika pa 13:20 15 sakavika pablizu doma №5 pa vuł. Adzincova ŭ Minsku paškodzili Land Rover Discovery, jaki naležyć administrataru telehram-kanała «Ludažer», karespandentu haziety «SB. Biełaruś siehodnia»;
  • 8 krasavika kala 23:30 paškodžanyja vokny kvatery ŭ Minsku namieśnika načalnika adździeła prakuratury Minska na vuł. Lidskaj;
  • 22 maja kala 01:30 u domie № 87 pa vuł. Haja ŭ Minsku paškodžanyja šyby dvuch voknaŭ hramadzianki Hulidavaj.

Taksama ŭdzielniki hrupy 02.06.2021 u načny čas u Minsku pa vuł. Jakuboŭskaha, 15 nibyta paškodzili 13 kamier videanazirańnia, a 15.06.2021, znachodziačysia pa vuł. Łabanka ŭ h. Minsku, z fasada doma № 81 i 89, vykrali i potym źniščyli jašče 21 anałahičnuju kamieru.

Ciapier znajšli i zatrymali 6 udzielnikaŭ. Dvoje vyjechali z krainy.

U dačynieńni da ŭdzielnikaŭ hrupy zaviali kryminalnuju spravu pa č. 2 art. 290-4 («Stvareńnie arhanizacyi dla ažyćciaŭleńnia terarystyčnaj dziejnaści albo ŭdzieł u joj») KK Respubliki Biełaruś, a taksama čatyry kryminalnyja spravy pa č. 1 art. 359 («Akt teraryzmu ŭ dačynieńni da dziaržaŭnaha abo hramadskaha dziejača») KK Respubliki Biełaruś.

Nahadajem, raniej Alaksandr Łukašenka na sustrečy ŭ Homielskaj vobłaści raskazaŭ ab zatrymańni siami čałaviek, jakija «sprabavali ŭčynić terakty».

«Nu voś prakałoŭ ty hetuju šynu, nu varta taho, što ty ciapier 15 hadoŭ adsiedziš u turmie? Tamu voś pačynajuć tak paskudzić. Dla čaho? Znoŭ hrošy», — zajaviŭ Łukašenka.

Što nie tak z apošnimi «terarystyčnymi» spravami ab kamieni ŭ aknie prakurora i ablitaj farbaj mašynie sudździ? Raźbirajemsia z byłymi siłavikami

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?