Kiery-En Mos i Kianu Ryŭz viarnulisia ŭ «Matrycy: uvaskrešańnie», sikvele filma, pieršaja častka jakoha źjaviłasia jašče ŭ 1999 hodzie. Fota Warner Bros. Pictures.
Sikvieły zvyčajna vyklikajuć škvał krytyki niezadavolenych hledačoŭ. Na premjeru apošniaj «Matrycy» adhukalisia taksama pa-roznamu, až da vychadu na dyskusiju Vačoŭski z Badryjaram.
Džon Jurhiensen u The Wall Street Journal zasiarodziŭsia na techničnym baku filma dy pahutaryŭ sa stvaralnikami śpiecefiektaŭ ź pieršaj i z apošniaj «Matrycy». U vyniku jon padsumavaŭ svaje viedy pra sučasny kinošny vizuał i dumki jaho stvaralnikaŭ dy pasprabavaŭ razabracca, čamu apošniaja «Matryca» vyhladaje vizualna strymanaj, choć jaje prodak u 1999 hodzie byŭ praryŭnym akurat svaimi śpiecefiektami i paŭpłyvaŭ na ŭsio, ad videahulniaŭ da bajevikoŭ, i navat na Metaverse, da stvareńnia jakoj padstupajucca ciapier.
Vizualnyja efiekty ŭ pieršaj «Matrycy» byli realna ašałamlalnyja.
U 1999 hodzie režysiory sumieli zrabić tak, što Niea, syhrany Kianu Ryŭzam, litaralna kidaŭ vyklik fizicy, uchilajučysia ad kul na ekranie. Hety śpiecefiekt uzryvaŭ rozum. Tady naradziŭsia vyraz bullet time («bulet-tajm», śpiecefiekt spynieńnia času), jaki źmianiŭ naša ŭjaŭleńnie pra bajeviki i čakańni ad videahulniaŭ.
U novym sikvele «Matryca: uvaskrešańnie» jaho stvaralniki vykarystoŭvali technałohii značna bolš vysokaha ŭzroŭniu, u tym liku trochmiernyja vyjavy, vyrablenyja štučnym intelektam. Ale paśla 22 hadoŭ ličbavaj evalucyi vysakajakasnyja kinaefiekty vyjšli na płato nabližeńnia da ideału.
«My prajšli šlach ad taho, što zdavałasia niemahčymym, da svajho rodu niazdolnaści stvaryć niečakanaje» ŭ kinaindustryi, — kaža Džon Haeta, jaki ŭ svoj čas udzielničaŭ u stvareńni «śpiecefiektu kuli». Jon byŭ dyzajnieram vizualnych śpiecefiektaŭ u pieršych troch filmach «Matryca», a ciapier pracuje dla Metaverse Cukierbierha.
Koła z kamier dapamahło stvaryć śpiecefiekt «spynieńnia času», jaki dazvoliŭ Kianu Ryŭzu i Chjuha Uivinhu kinuć vyklik fizicy ŭ «Matrycy». Fota: kalekcyja Warner Bros / Everett.
Paśla hetaha my pabačyli ŭ filmach mašynu, jakaja pieraskokvaje z abryva na abryŭ («F9»), Rajana Rejnaldsa, ašalełaha ŭ videahulni («Volny chłopiec»), i monstraŭ, jakija rujnujuć panaramu Hankonha («Hadziła suprać Konha»). «Vaŭ, kruta zroblena!» — zachaplaŭsia hladač.
Piersanažy, całkam stvoranyja kampjutaram, usio jašče nie da kanca praŭdapadobnyja, «ale ja nie ŭpeŭnieny, ci jość jašče štości, čaho niemahčyma zrabić, majučy dastatkova hrošaj i času», — kaža Jan Fejłz, redaktar časopisa «befores & afters», jaki aśviatlaje mastactva śpiecefiektaŭ.
Studyi vizualnych efiektaŭ kankurujuć i viaduć stryminhavyja vojny.
U toj ža čas niekatoryja režysiory reahujuć na honku ŭzbrajeńniaŭ VFX dosyć strymana. «Dziuna» Deni Vilniova pieranosić nas na pustelnuju płanietu Arakis, jakaja vyhladaje vielmi naturalistyčna. Režysior nie nabližaje hledačoŭ da fłotu kaśmičnych karabloŭ, što iduć u ataku, a pakazvaje daloki siłuet u načnoj zasadzie, pieradajučy zmročnaje adčuvańnie maštabu.
«Jon prosta pakazvaŭ realnaść śvietu», — kaža Namit Małchotra, vykanaŭčy dyrektar DNEG, kampanii pa stvareńni vizualnych efiektaŭ, jakaja pracavała nad «Dziunaj» i «Matrycaj: uvaskrešańnie». Jon dadaje: «Kali vy vydatkoŭvajecie takija hrošy, kiniematahrafistam ciažka strymlivać žadańnie bolšaj, kryšačku bolšaj hrandyjoznaści».
U novaj «Matrycy» režysiorka Łana Vačoŭski hulaje z čakańniem taho, što praciah pavinien padymacca na prystupku vyšej za aryhinał. Spojler: u filmie piersanaž mistera Ryŭza — iznoŭ dyzajnier videahulniaŭ, čyj supierchit nazyvaŭsia… jes! «Matryca»! Padziei ŭ kinafranšyzie nibyta adbyvalisia ŭ śviecie jaho videahulni z toj znakavaj paśladoŭnaściu dziejańniaŭ, u jakoj Niea skryŭlaje čas i prastoru. Kali hrupa raspracoŭščykaŭ videahulni nakidvaje idei dla praciahu «Matrycy», adzin zajaŭlaje: «Nam patrebny novy bulet-tajm!»
Pačatkovy bullet time byŭ «a borderline hack», praryŭnym krokam, uspaminaje Haeta. 120 kamier zdymali Ryŭza, zavisłaha na trosach. Tyja kadry byli zmantažavanyja kampjutarnym prykładańniem, kab imitavać ruch kamiery ŭ zapavolenaj zdymcy. Hetuju technałohiju ciapier nazyvajuć «abjomny zachop». Šmatlikija kamiery fiksujuć ludziej abo prastoru z usich bakoŭ, a potym štučny intelekt jadnaje hetyja videa ŭ trochmierny materyjał, jaki možna prahladać i źmianiać ź luboha rakursu.
Pavodle słoŭ kiraŭnika vizualnych efiektaŭ Dena Hłasa, kamanda «Matrycy: uvaskrešańnie» vykarystoŭvała abjomnyja zdymki «ekanomna». U toj ža čas Vačoŭski taksama raźličvała na realnyja miescy zdymak u San-Francyska i fizičnyja efiekty — naprykład, jak Ryŭz skočyŭ z 43-paviarchovaha budynka razam z partniorkaju Kery-En Mos. «Ideja była ŭ tym, što heta naviejšy apdejt simulacyi «Matrycy», tamu Łana chacieła, kab usio vyhladała bolš realistyčnym», — kaža Hłas.
Jachja Abduł-Macin II u roli Marfieusa ŭ «Matrycy: uvaskrešańnie». Fota Warner Bros. Pictures.
U 1999 hodzie vizualnyja efiekty «Matrycy», stvoranyja na pierałomie anałahavych i ličbavych technałohij, atrymali Oskara, pieramohšy stvoranych kampjutaram istotaŭ z prykvieła Star Wars «Pryvidnaja pahroza».
Siońnia śpiecyjalisty z kamandy śpiecefiektaŭ aryhinalnaj «Matrycy» damahajucca praryvu ŭ sumiežnych halinach. Kim Librery, jaki pracavaŭ nad vizualnymi efiektami aryhinalnaj tryłohii, ciapier hałoŭny techničny dyrektar kampanii Epic Games Inc., vytvorcy «Fortnite». Niadaŭna jon razam z Vačoŭski pracavaŭ nad prajektam na temu «Matrycy» Unreal Engine ad Epic, stvaralniki jakoha vykarystoŭvać jaho dla vyrabu 3D-suśvietaŭ.
Režysiory prystasoŭvajuć pryjomy z kiniematohrafa dla stvareńnia asiarodździa, u jakim virtualnyja kamiery mohuć pieramiaščacca ŭ režymie realnaha času, niby ŭ videahulni.
U novym filmie «Matryca» Unreal Engine zhieneravaŭ nałady dla sparynhu miž Niea i Marfieusam (Jachja Abduł-Macin II) u «dadzio» bajavych mastactvaŭ, abnaviŭšy scenu z aryhinalnaha filma.
«Spantannaść vyvietryłasia z kinaindustryi z-za ahulnaj składanaści stvareńnia vizualnych efiektaŭ», — kaža Librery. «Z dapamohaj technałohii režymu realnaha času my spadziajomsia viarnuć na ekrany ščaślivyja vypadkovaści».
Były stvaralnik kinaefiektaŭ bačyć vialikuju budučyniu ŭ 3D-suśvietach budučaj virtualnaj ekasistemy, jakaja atrymała nazvu metaverse, mietasuśviet.
U peŭnym sensie, hety zruch byŭ pradkazany filmam pra realnaść, pabudavanuju z kampjutarnaha kodu. Haeta kaža: «Za 20 hadoŭ my pierajšli ad kanceptaŭ i śpiecefiektaŭ da pačatku ŭvasableńnia hetych kanceptaŭ i śpiecefiektaŭ u vyhladzie mietasuśvietu».
* * *
Nahadajem, što hałoŭnuju rolu ŭ filmie «Matryca: uvaskrašeńnie» syhraŭ usio toj ža akcior — Kianu Ryŭz.
Kali pieršyja try častki zdymalisia siostrami Vačoŭski, to za čaćviorty epizod uziałasia tolki Łana Vačoŭski.
Jak i ŭ papiarednich filmach franšyzy, siužetam «Matrycy-4» stała supraćstajańnie hałoŭnych hierojaŭ kampjutarnaj sistemie «Matryca», jakaja ŭziała kantrol nad Ziamloj. Voś trejler:
