Mahdalena Andersan. Fota: Vikipiedyja.

Mahdalena Andersan. Fota: Vikipiedyja.

Jak paviedamlaje hazieta Expressen, 21 śniežnia 25-hadovaja supracoŭnica klininhavaj kampanii, jakuju naniali dla prybirańnia doma premjer-ministarki Mahdaleny Andersan pierad Kaladami, vykonvajučy svaju pracu, vypadkova pryviała ŭ dziejańnie achoŭnuju sihnalizacyju.

Kali paśla taho ŭ dom premjerki pryjechała palicyja i pravieryła ŭ prybiralščycy dakumienty, to akazałasia, što hetaja žančyna znachodziłasia ŭ Šviecyi nielehalna.

Jašče viasnoj 2020 hoda mihrantcy ź Nikarahua było admoŭlena ŭ vidzie na žycharstva i jaje musili departavać z krainy. Ale niejkim čynam joj tady ŭdałosia ad hetaha ŭchilicca, a z vosieni 2020-ha žančyna ŭvohule znachodziłasia ŭ vyšuku za kradziež z supiermarkieta. 

Ciapier šviedskuju premjerku vostra krytykujuć za toje, što jana tak niadbajna stavicca da padboru ludziej, jakija majuć dostup na jaje viłu. Mnohija žurnalisty, ekśpierty i čynoŭniki staviać pytańnie, nakolki pry takoj situacyi možna havaryć pra biaśpieku faktyčnaha kiraŭnika dziaržavy, kali ŭ žytło Mahdaleny Andersan mohuć patrapić zusim vypadkovyja ludzi. 

Tym bolš što ŭ historyi Šviecyi byli precedenty: u 1986 hodzie byŭ zabity premjer-ministr Ułaf Palme, a ŭ 2003-m — ministarka zamiežnych spraŭ Anna Lind. 

Źviartajecca ŭvaha taksama i na mahčymuju niebiaśpieku dziaržaŭnym intaresam. Adzin z ekśpiertaŭ, naprykład, padkreślivaje, što Nikarahua, hramadziankaj jakoha źjaŭlajecca prybiralščyca, — sajuźnica Rasii.

Karaciej, ad premjerki patrabujuć bolš surjoznaha kantrolu za tym, z kim jana supracoŭničaje, navat kali havorka idzie pra zvyčajnyja pabytovyja spravy.

Mahdalenu Andersan taki abrali premjeram Šviecyi. Druhi raz za tydzień

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?