Piśmieńnik Ściapan Złobin

Piśmieńnik Ściapan Złobin

Ściapan Złobin naradziŭsia ŭ Maskvie, baćki jaho byli sacyjalistami-revalucyjanierami.

Baćka Ściapana, Pavieł Złobin, zhadvajecca, darečy, praktyčna va ŭsich pracach, źviazanych z historyjaj Biełaruskaj Narodnaj Respubliki. Sprava ŭ tym, što ŭ 1917 hodzie jon zajmaŭ davoli vysokuju pasadu ŭ Minskaj hubiernskaj ziemskaj upravie, byŭ tam tavaryšam (namieśnikam) staršyni. I ŭ lutym 1918-ha, kali da biełaruskich nacyjanalnych dziejačaŭ časova dałučylisia ziemcy, byŭ abrany ŭ Narodny sakrataryjat BNR (faktyčna pieršy jaje ŭrad) na pasadu kamisara pa spravach vialikarosaŭ. Praŭda, Pavieł Złobin vystupaŭ tolki za aŭtanomiju Biełarusi ŭ składzie demakratyčnaj Rasii, niezaležnaść jon nie padtrymlivaŭ. I tamu paśla 25 sakavika 1918 hoda razam z šeraham inšych dziejačaŭ padobnych pohladaŭ sa składu ŭrada vyjšaŭ. I bolš paśla ź biełaruskim rucham los jaho nie zvodziŭ. U tym ža 1918 hodzie jon źjechaŭ ź Minska ŭ Maskvu i bolš u Biełaruś nie viartaŭsia.

Ściapan padtrymlivaŭ idei baćkoŭ, za što balšaviki paśla razhromu eseraŭ kinuli jaho ŭ sumna viadomuju Butyrskuju turmu. U 1920-ja hady jon skončyŭ Litaraturna-mastacki instytut, vykładaŭ ruskuju movu i litaraturu. Niezadoŭha da pačatku vajny paśpieŭ skončyć piśmieńnickija kursy, i jaho zaličyli ŭ tak zvanuju «piśmieńnickuju rotu», a paśla pieraviali na pracu ŭ armiejski druk.

U kastryčniku 1941-ha byŭ kantužany padčas Viaziemskaj apieracyi, jaho ŭziali ŭ pałon i adpravili ŭ akupavany Minsk. Tut jon rychtavaŭ ucioki, ale praz zdradnikaŭ płan vykryli. Tady jaho etapavali ŭ kancłahier bliz Elby, dzie jon znachodziŭsia da 1944 hoda, uznačalvaŭ padpolle. Paśla vykryćcia jaho adpravili ź inšymi ciažkachvorymi viaźniami ŭ łahier niedaloka ad polskaha horada Łodź, vyzvaleny na pačatku 1945 hoda. 

Złobin sprabavaŭ pisać pra pałon, ale ŭ 1946 hodzie jaho tvor «Ažyŭšyja mierćviaki» kanfiskavali, jon trapiŭ pad cenzuru. Najlepšym jaho tvoram ličycca histaryčnym raman «Ściapan Razin», napisany ŭ 1951-m. Viadomy piśmieńnik Kanstancin Simanaŭ kazaŭ, što epapieja nastolki ŭraziła Stalina, što toj zapluščyŭ vočy na toje, što aŭtar znachodziŭsia ŭ pałonie vorahaŭ, i Złobin atrymaŭ Stalinskuju premiju. Jaho tvor «Źnikłyja bieź viestak», napisany ŭ 1962-m, dapamoh u spravie reabilitacyi byłych savieckich vajennapałonnych. 

Vulica imia Ściapana Złobina źjavicca vobač z vulicami Łyńkova, Piatra Hlebki i prajezda Masiukoŭščyna.

A ŭ centry Minska, vyrašyli miascovyja deputaty, źjavicca bulvar 17 vieraśnia — u miežach vulic Kirava, Lenina, Uljanaŭskaj i stadyjona «Dynama».

Kvartały ŭ miežach vulic Haradski Vał, Niamiha, Zybickaj, Internacyjanalnaj, Janki Kupały i praśpiekta Niezaležnaści buduć nazyvacca «Vierchni Horad».

A nazvu «Rakaŭskaje Pradmieście» atrymaje terytoryja ŭ miežach vulic Rakaŭskaja, Špalernaja, Zamkavaja, praśpiekta Pieramožcaŭ, vulic Niamiha i Ramanaŭskaja Słabada, płoščy Jubilejnaj. 

Kvartał u miežach vulicy Staravilenskaja, Kamunistyčnaja i raki Śvisłač ciapier nazyvajecca «Trajeckaja Hara». Rašeńnie nabyło moc.

Letaś na razhladzie ŭładaŭ było bolš za 70 prapanovaŭ, jak nazvać novyja vulicy ŭ horadzie. Časam minčuki prapanoŭvajuć nazvać vulicy ŭ honar prafiesij — naprykład, Milicejskaja ci Fizkulturnikaŭ, ale padtrymki heta va ŭładaŭ nie znachodzić — «lubaja nazva pavinna adpaviadać statusu stalicy». 

U 2018 hodzie na zapyt «Našaj Nivy» ŭ Minharvykankamie adkazvali, što «isnuje śpis z 65 asob, jakich treba ŭhanaravać u tapanimicy. Pieršymi ŭ śpisie iduć Vasil Bykaŭ, Michaś Savicki, Ryhor Baradulin, Hienadź Buraŭkin». Kali takija nazvy źjaviacca? Kali buduć pabudavanyja novyja vulicy, tłumačyli haradskija ŭłady.

U 2016 hodzie ŭ Minsku źjaviłasia piać novych vulic, u 2018-m — dźvie, u 2021-m — siem novych vulic. Vulica imia mastaka Savickaha ŭ Minsku ŭžo jość, vulic u honar piśmieńnikaŭ Bykava, Baradulina i Buraŭkina ŭsio jašče niama. 

Zamiest «Maskoŭskaj» — «Minskaja». Vulicy Drahičyna atrymajuć biełaruskija nazvy

Vulica Turemnaja stała Vaładarkaj. Chto taki Vaładarski, z čym imiem asacyjujecca viadomaje SIZA

U Hrodnie častku vulicy ŭ centry chočuć nazvać u honar Fiłareta. Krajaznaŭcy suprać i prapanujuć svoj varyjant ušanavańnia

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?