Novyja panelki UKS buduje ŭ rajonie vulic Šyškina i Kulašova. Bolšaść kvater u dvuch damach prapanujucca čarhavikam (pieravažna šmatdzietnym siemjam), nievialikaja častka — usim achvotnym. Pa apošniaj dekłaracyi dla kamiercyjnaj realizacyi UKB vydzieliŭ 42 kvatery pa cenach ad 1004 dalaraŭ za kvadratny mietr.
Takim čynam, adnapakajoŭka ŭ novabudoŭlach moža kaštavać ad 46 da 49,6 tys. dalaraŭ, a dvuchpakajoŭka — ad 68 620 da 73 890 pa kursie. I dadatkovy bonus — nie treba nabyvać mašynamiesca z žyllom.
Fota Uładzisłava Barysieviča, onliner.by
Akazałasia, što popyt značna pieravyšaje prapanovu, tamu ludzi musili zajmać čarhu mocna zahadzia. Choć čas byŭ pryznačany na siońnia, tyja, chto pryjšoŭ akurat da jaho, daviedalisia, što ludzi stajać z suboty i skłali śpisy čarhovaści. Što tych, chto spaźniŭsia, aburaje:
— Chto nadrukavaŭ hetyja śpisy? Ja pajdu ŭ administracyju i napišu skarhu! — dzielicca płanami minčanka, jakaja tolki što pryjšła da UKB. — Heta ž navat nie abvieščana: ni na sajcie, nidzie. Usio pavinna iści pa žyvoj čarzie. Ludzi pryjazdžajuć ź inšych haradoŭ dla čaho? Pahladzieć na hety śpis? Čamu chtości vyrašyŭ, što moža arhanizavać hety praces? Čyja heta inicyjatyva? Ja ŭčora telefanavała ŭ UKB, skazali, što čerhaŭ niama, prychodźcie. U vyniku niejkaje samapraŭstva! Treba skardzicca, kab u horadzie źjaviŭsia choć niejki paradak!
U tych, chto zahadzia zapisaŭsia ŭ śpis, svaje arhumienty:
— Zrazumiejcie, pieršy čałaviek, jaki chacieŭ trapić u hety dom, pryjšoŭ siudy jašče ŭ subotu. Nastupnyja try dni žančyna adna dziažuryła, pieryjadyčna jaje źmianiaŭ baćka. Pastupova padciahvalisia ludzi, i jany pa čarzie zapisvalisia ŭ śpis. Ja pryjšła ŭčora i ŭ śpisie była ŭžo 35-j, darečy, dziažuryła svaje try hadziny — z 3 da 6. Tamu ŭsio sumlenna. Aficyjnaj pracedury niama, prychodzicca krucicca, — raspaviała dziaŭčyna z čarhi. — Heta zvyčajnaja čarha, ale sfarmiravana jana zadoŭha da siońnia. Vidavočna, pracedura nieidealnaja, ale horad zmušaje ludziej da hetaha.
Fota Uładzisłava Barysieviča, onliner.by
Takoha ž mierkavańnia i inšyja, chto paśpieŭ zreahavać zahadzia. I čym bližej pryznačany čas, tym ščylniejšaja čarha kala dźviarej.
— Jość śpisy, ludzi tudy zapisvajucca, tak farmujecca čarha. Heta adzinaja mahčymaść paźbiehnuć poŭnaha bałahana. — kaža chłopiec, jaki zajmaje miesca ŭ 4-m dziasiatku śpisu. — Jak pa mnie, pakul usio arhanizavana dobra. Jość niezadavolenyja, ale ŭsie imknucca prytrymlivacca vypracavanaj schiemy, choć užo vidavočna, što kvater usim nie dastaniecca. Da 8-j ranicy ŭ śpisie było ŭžo 58 čałaviek.
Tym nie mienš, navat tyja, chto jaŭna nie patraplaje ŭ ščaślivuju 42-ku prosta ciapier, praciahvajuć stajać, bo ci mała što: mahčyma, tyja, chto ŭ śpisie pierad imi, paśla nie zmohuć atrymać kredyt ci admoviacca pa inšych pryčynach.
Na pytańnie, što pryciahvaje ludziej u prapanovie zabudoŭščyka, adkaz adnahałosny — nizki košt.
— Košt — heta samaje asnoŭnaje — dzielacca ludzi z natoŭpu. — Tańniej u Minsku ničoha biez čarhi nie znojdzieš. Taksama šmatlikija zabudoŭščyki ciapier razam z kvaterami abaviazvajuć kuplać mašynamiescy, sprabujučy vyrašyć prablemu z parkoŭkaj. Tut hetaha niama. Mienavita tamu popyt vialiki.
