Mietsoła ŭpeŭniena pieramahła ŭ pieršym tury, za jaje prahałasavali 458 z 616 jeŭradeputataŭ, jakija ŭdzielničali ŭ hałasavańni. Kankurentami jaje byli Alisaŭ Ba Kunkie sa Šviecyi i Syru Reha ź Ispanii. Kosma Załatoŭski ad Polščy, jaki vystaŭlaŭsia śpiarša, źniaŭ svaju kandydaturu.

Mietsoła stała pieršaj žančynaj na čale Jeŭraparłamienta za dva dziesiacihodździ. Apošni raz da hetaha ŭ 1999—2002 hadach śpikierkaj była francužanka Nikol Fanten. U svaje 43 hady jana samy małady śpikier u historyi hetaha pradstaŭničaha orhana.

Da siońniašniaha dnia maltyjka była pieršym namieśnikam kiraŭnika Jeŭraparłamienta, a paśla śmierci 11 studzienia raniejšaha śpikiera Davida Sasoli tydzień vykonvała abaviazki staršyni.

Mietsoła zajmaje pryncypovuju pazicyju pa situacyi ŭ Biełarusi. Jana była adnoj ź inicyjatarak pieršaj rezalucyi Jeŭraparłamienta pa biełaruskim pytańni, pryniataj u 2020 hodzie, i aktyŭna padtrymlivaje biełaruski demakratyčny ruch.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?