Fota Getty Images

Fota Getty Images

Tyja, chto sprabuje biaspłatna dalacieć kudy-niebudź takim sposabam, čaściej za ŭsio nie vyžyvajuć: tempieratura pavietra na vyšyni, na jakoj lotajuć sučasnyja łajniery, zvyčajna składaje kala minus piacidziesiaci hradusaŭ, pavietra mocna razredžanaje, pry hetym adsieki šasi, u adroźnieńnie ad sałona samalota, nie hiermietyčnyja, źviartaje ŭvahu Bi-bi-si.

«Mužčyna byŭ znojdzieny žyvym u stabilnym stanie ŭ adsieku nasavoha šasi samalota i adpraŭleny ŭ balnicu, — paviedamiła pradstaŭnica abjadnanaj słužby palicyi i pamiežnaj achovy Niderłandaŭ Joana Chielmands. — U pieršuju čarhu nas, zrazumieła, turbuje stan jaho zdaroŭja».

«Toje, što jon vyžyŭ u takim choładzie i na takoj vyšyni, vielmi niezvyčajna, — dadała Chielmands. — Vielmi, vielmi niezvyčajna!»

Hety ščaśliŭčyk, pa zdahadkach palicyi i presy, prylacieŭ u Niderłandy ź Jochanesburha abo Najrobi, a palot ź Jochanesburha da Schipchoła doŭžycca kala 11 hadzin.

Ab uzroście i nacyjanalnaści znojdzienaha mužčyny pakul ničoha nie paviedamlajecca.

Pradstaŭnik kampanii Cargolux Italia paćvierdziŭ, što na borcie ich hruzavoha samalota byŭ znojdzieny starońni čałaviek, adnak ad dalejšych kamientaryjaŭ admoviŭsia, spasłaŭšysia na toje, što kampanija spačatku pavinna pravieści ŭłasnaje rasśledavańnie.

Adzinym hruzavym rejsam kampanii Cargolux, jaki prybyŭ u niadzielu ŭ aeraport Schipchoł, byŭ «Boinh-747», jaki vylecieŭ ź Jochanesburha i ździejśniŭ pramiežkavuju pasadku ŭ Najrobi.

Pradstaŭnik aeraporta taksama nie staŭ raskazvać padrabiaznaści zdareńnia, adznačyŭšy tolki, što «zajcy», jakija prybyvajuć na samalotach u Niderłandy — heta vialikaja redkaść, i ŭ papiarednich vypadkach heta byli nielehalnyja mihranty ź Nihieryi abo Kienii.

U minułym hodzie hałandskija pamiežniki vyjavili ŭ adsieku šasi samalota, jaki pryziamliŭsia ŭ aeraporcie Schipchoł, cieła nihieryjca, jaki sprabavaŭ «zajcam» dabracca da Jeŭropy.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?