Prybiarežnyja rajony astravoŭ Tonha, a ŭ niekatorych vypadkach i cełyja astravy zmytyja cunami
Navukoŭcy ahienctva NASA kažuć, što škoda, naniesienaja stychijaj u Paŭdniova-Cichaakijanskim rehijonie, značna maštabniejšaja, čym zdavałasia da hetaha času. Apošnija daśledavańni pakazali, što značnaja častka adnajmiennaha z vułkanam vostrava Chunha-Tonha-Chunha-Chaapaj praktyčna pierastała isnavać.
Da vyviaržeńnia hety vostraŭ faktyčna składaŭsia z dvuch niezasielenych astravoŭ — Chunha-Tonha i Chunha-Chaapaj, jakija z 2014 hoda złučylisia ŭ adzin dziakujučy sfarmavanamu pamiž imi vułkaničnamu pierasmyku. Zaraz, pa słovach śpiecyjalistaŭ NASA, siaredniaje źviano całkam razburana, a ad dvuch bolš starych astravoŭ zastalisia tolki nievialikija frahmienty.
Z nasielenych astravoŭ Cichaha akijana bolš za ŭsich ad stychii paciarpieŭ archipiełah Karaleŭstva Tonha. Pavodle acenak AAN, kala 80% žycharoŭ hetaj astraŭnoj dziaržavy adčuli na sabie nastupstvy vyviaržeńnia i vyklikanaha im cunami. Zahinułymi ličacca try čałavieki.
Na stalicu Tonhi Nukuałofu abrynułasia chvala vyšynioj 1,2 mietry. Žychary horada ratavalisia na ŭzvyššach. Mnohija paciarpieli nie tolki ad zatapleńnia, ale i ad kamianioŭ dy popiełu, jakija sypalisia źvierchu.
Momant vyviaržeńnia padvodnaha vułkana ŭ Cichim akijanie patrapiŭ na videa
Kałasalnaje vyviaržeńnie padvodnaha vułkana ŭ Cichim akijanie: cunami ŭdaryła pa Tonha i ruchajecca da Novaj Ziełandyi
U Japonii zafiksavali cunami, vyklikanaje vyviaržeńniem vułkana ŭ Paŭdniovym paŭšarji
