Chacia sihnałaŭ śviatłafora dla kirunku MAZa nie bačna, ale ž pa ŭskosnych prykmietach možna zrazumieć, što dla jaho sapraŭdy hareła čyrvonaje śviatło. Kali ŭvažliva hladzieć videa, to možna zaŭvažyć, što dla piešachodaŭ užo zaharełasia zialonaje.
Adnak u DTZ vinavatym moža być pryznany kiroŭca Škoda, chacia jon i zaviaršaŭ manieŭr. Standartna DAI u takich vypadkach ličyć, što pryčyna — u niesastupańni sustrečnamu aŭtamabilu.
Nahadajem, što zhodna z punktam 106 Pravił darožnaha ruchu, kiroŭca, jaki vyjechaŭ na pierakryžavańnie pry dazvolnym sihnale śviatłafora, pavinien vyjechać u zapłanavanym kirunku niezaležna ad sihnała, ale pry hetym pavinien sastupić darohu sustrečnamu transpartu.
A taho, chto znachodziŭsia za rulom MAZa, imavierna, pryciahnuć da adkaznaści za prajezd na čyrvonaje.
Čytajcie taksama: Ci vartaja achviaraŭ pryncypovaść DAI? Samyja hučnyja vypadki hibieli ŭ vyniku aŭtapahoniaŭ
