Thilo Schmuelgen / Reuters / Scanpix / LETA
Akramia śviataroŭ, siarod udzielnikaŭ kampanii — vykładčyki relihijnych škoł, supracoŭniki carkoŭnych administracyj i ludzi, jakija pracujuć u carkvie jak vałanciory.
Aktyvisty # OutInChurch vystupili z šeraham patrabavańniaŭ, siarod jakich:
pierahledzieć «dyskredytacyjnyja pastułaty» carkoŭnaha vučeńnia ab seksualnaści, seksualnaj i hiendarnaj identyčnaściach z ulikam pałažeńniaŭ sučasnaj teałohii i navuki;
źmianić carkoŭnaje pracoŭnaje prava tak, kab ŁHBT-ludzi mahli adkryta pracavać biez dyskryminacyi i pahrozy zvalnieńnia;
pierastać admaŭlać ŁHBT-ludziam i param u błahasłaŭleńni i dostupie da sakramentaŭ.
Častkaj kampanii taksama staŭ dakumientalny film Wie Gott uns schuf («Jakimi nas stvaryŭ Boh»), dzie ludzi adkryta abo ananimna raspaviadajuć pra dośvied žyćcia i pracy ŭ carkoŭnych strukturach sa svajoj hiendernaj i seksualnaj identyčnaściu. Pietycyja ŭ padtrymku #OutInChurch nabrała bolš za 11 tysiač podpisaŭ.
Arhanizatary #OutInChurch raskazali, što ich natchniŭ kalektyŭny kaminh-aŭt 185 niamieckich aktoraŭ i aktorak, jakija adkryta nazvali siabie leśbijankami, hiejami, biseksuałami, trans-kvir, interseks-ludźmi i niebinarnymi piersonami ŭ lutym 2021 hoda. Akciory i aktrysy apublikavali manifiest, u jakim vystupili suprać lubych formaŭ dyskryminacyi, paprasili ab padtrymcy i zajavili: «Śviet mianiajecca, i my ŭsie ŭnosim svoj układ!»
U 2020 hodzie papa Rymski Francysk staŭ pieršym pantyfikam, jaki padtrymaŭ lehalizacyju adnapołych sajuzaŭ. Jon taksama nieadnarazova kazaŭ, što Katalickaja carkva pavinna šanavać usich viernikaŭ biez zaležnaści ad ich seksualnaj aryjentacyi. Pry hetym Vatykan admaŭlajecca dabrasłaŭlać adnapołyja sajuzy, ličačy šlub «nieparyŭnym sajuzam mužčyny i žančyny, jakija zaklučajucca dla naradžeńnia novaha žyćcia».
Čytajcie taksama:
U Niamieččynie 185 akcioraŭ i aktrys ździejśnili masavy kaminh-aŭt
