Fota: predsjednik.hr

Fota: predsjednik.hr

Adkazvajučy na pytańnie charvackaha vydańnia «Dzennik», jak Charvatyja adreahuje na situacyju va Ukrainie, prezident Charvatyi zajaviŭ:

«My nie budziem mieć z hetym ničoha ahulnaha i nie pavinny ničoha. Kali budzie eskałacyja, to vyviedziem [z rehijona] apošniaha charvackaha sałdata».

Akramia taho, Miłanovič zrabiŭ niekalki skandalnych zajaŭ adnosna Ukrainy, zhadaŭšy karupcyju, padziei Revalucyi Hodnaści i imknieńnie Ukrainy ŭstupić u NATA i ES.

«Ukrainie nie miesca ŭ NATO. Kali Ukraina źmianiła ŭładu, tady heta ruch, jaki nie byŭ demakratyčnym, byŭ pieravarotam, padčas jakoha byli zabityja 50 čałaviek. Historyja była takaja — Ukraina idzie na Zachad, ničoha nie pytajučysia u Rasii, u ES jaje čakajuć małočnyja reki — kisielnyja bierahi. Ukraina da hetaha času zastajecca adnoj z samych karumpavanych krain, ES Ukrainie ničoha nie daŭ»,

— skazaŭ charvacki prezident.

Miłanavič pryznaŭsia, što budzie ŭsimi siłami pieraškadžać lubomu pryciahvańniu Charvatyi da kanfliktu pamiž Rasijaj i Ukrainaj.

«Plenkavič [premjer-ministr Charvatyi Andrej Plenkavič, pryjazny Ukrainy] moža pahražać, kolki zachoča. Charvatyja pavinna biehčy ad hetaha, jak ad pažaru. Charvatyja nie budzie pažarnikam va ŭsim hetym»,

— zajaviŭ Miłanavič.

Paśla hetaha vykazvańnia Miłanaviča apieratyŭna ŭnieśli ŭ bazu «Miratvorac», kudy zapisvajuć adkrytych vorahaŭ Ukrainy. Na dumku aŭtaraŭ publikacyi, prezident Charvatyi raspaŭsiudžvaje kramloŭskuju prapahandu i apraŭdvaje rasijskuju ahresiju.

A va ŭkrainskim MZS zajavili, što patrabujuć publičnaha abviaržeńnia abraźlivych zajaŭ prezidenta Charvatyi. Adznačana, što śćviardžeńni Miłanoviča ab padziejach Revalucyi Hodnaści abražajuć pamiać ukraincaŭ i zamiežnikaŭ, jakija addali svaje žyćci dziela jeŭrapiejskaj budučyni Ukrainy.

«Charvacki prezident prademanstravaŭ svajo hreblivaje staŭleńnie i niaŭdziačnaść za dapamohu, jakuju Ukraina i ŭkraincy akazvali Charvatyi padčas jaje baraćby za niezaležnaść, a taksama ŭ baraćbie z razburalnymi pažarami ŭ minułym hodzie. Ale my ŭpeŭnienyja, što hetaja niaŭdziačnaść źjaŭlajecca jaho asabistaj rysaj i nie raspaŭsiudžvajecca na charvacki narod, ź jakim nas abjadnoŭvaje siabroŭstva i ŭzajemnaja pavaha»,

— skazana ŭ kamientary MZS Ukrainy.

Zoran Miłanavič — palityk levaj palityčnaj aryjentacyi, jon lidar Sacyjał-demakratyčnaj partyi Charvatyi. Zhadany ž im premjer Andrej Plenkavič — pradstaŭnik kansiervatyŭnaj Charvackaj demakratyčnaj supolnaści.

Andrej Plenkavič nieadkładna adreahavaŭ na zajavu prezidenta. «Nakolki mnie viadoma, charvackich vajskoŭcaŭ va Ukrainie niama», — skazaŭ premjer žurnalistam i dadaŭ, što kantynhient charvackaha vojska, jaki byŭ u Polščy, hetymi dniami jakraz viarnuŭsia.

«U pieršuju chvilinu ja padumaŭ, što heta kaža niejki rasijski słužboviec, — kamientavaŭ Plenkavič zajavu Miłanaviča, ź jakoj toj vystupiŭ padčas naviedvańnia kandytarskaj fabryki. — Napeŭna, tak paŭździejničaŭ cukar, jamu tam dali niejkija cukierki».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?