Fota TASS
Ab hetym zajaviŭ pieršy namieśnik staršyni Savieta Fiederacyi Andrej Turčak, piša RBK.
«Liču, što ŭ hetych umovach Rasija pavinna akazać Łuhanskaj i Danieckaj narodnym respublikam nieabchodnuju dapamohu ŭ vyhladzie pastavak asobnych vidaŭ uzbrajeńnia dla pavyšeńnia ich abaranazdolnaści i strymlivańnia vajennaj ahresii, jakuju vidavočna rychtuje Kijeŭ», — skazaŭ jon.
Turčak adznačyŭ, što ŭ «Adzinaj Rasii» z tryvohaj staviacca da «nakačvańnia» Ukrainy śmiarotnaj zbrojaj, jakuju pastaŭlajuć praktyčna ŭsie viadučyja krainy NATA ŭ vielmi vialikich maštabach.
«Kolkaść abstrełaŭ Łuhanskaj i Danieckaj abłaściej u razy pavialičyłasia. Hinuć mirnyja ludzi. A ŭ hety čas zachodnija kuratary padšturchoŭvajuć ukrainskuju chuntu da pramoha ŭvarvańnia na Danbas, uzbrojvajuć nacbaty, dla jakich hieroi — Bandera i Hitler, a svastyka — ich šanavany znak», — dadaŭ Turčak.
Taksama kiraŭnik frakcyi «Adzinaja Rasija» Uładzimir Vasiljeŭ źviarnuŭsia da ŭładaŭ Rasii z prośbaj akazać dapamohu «DNR» i «ŁNR», pastaviŭšy vajennuju pradukcyju.
«Źviartajemsia da kiraŭnictva našaj krainy akazać dapamohu Łuhanskaj i Danieckaj respublikam u vyhladzie pastavak nieabchodnaj dla strymlivańnia ahresii vajennaj pradukcyi, a taksama raspačać usie nieabchodnyja miery dla biaśpieki ich hramadzian», - zajaviŭ jon.