Ambasadar i pradstaŭnik ZŠA pry ABSIE Majkł Karpienter. Skrynšot ź videa VOA News / YouTube

Ambasadar i pradstaŭnik ZŠA pry ABSIE Majkł Karpienter. Skrynšot ź videa VOA News / YouTube

Karpienter vykazaŭ pazicyju ZŠA:

«Dazvolcie mnie skazać naŭprost: mižnarodnaja supolnaść nie maje iluzij adnosna taho, što kanstytucyjny refierendum moža vyrašyć palityčny kryzis, jaki staŭ vynikam sfalsifikavanych prezidenckich vybaraŭ 2020 hoda, — skazaŭ Karpienter. — Praktyčna ŭsie niezaležnyja hałasy byli zahłušanyja, zvyš 1000 palityčnych źniavolenych zastajucca za kratami, arhanizacyi hramadzianskaj supolnaści i niezaležnyja miedyi prymusova zakryvajuć praz abvinavačvańni ŭ «ekstremiźmie», dziasiatki tysiač biełaruskich hramadzian zmušanyja da vyhnańnia».

Pavodle ambasadara, «paśpiešliva prapanavany» nabor źmienaŭ u Kanstytucyju, jaki ŭłady Biełarusi vynosiać na «refierendum», nielha razhladać jak surjoznaje namahańnie dasiahnuć «vielmi nieabchodnaha demakratyčnaha pracesu i reformaŭ».

Prapanavanaja kanstytucyjnaja reforma nie adhukajecca na hałasy biełarusaŭ, a niezaležnyja naziralniki nie zmohuć arhanizavać nazirańnie za «refierendumam» praz pastajannuju pahrozu raspravy z boku ŭładaŭ.

Ambasadar dadaŭ: niepakoić toje, što ŭ Biełarusi nie było šyrokaha abmierkavańnia takich klučavych punktaŭ, jak abmiežavańnie prezidenckich terminaŭ tolki dla tych, chto budzie kiravać paśla Alaksandra Łukašenki, i prapanova źniać ź Biełarusi biaźjadravy status i palityčnuju niejtralnaść.

«My zaklikajem biełaruskija ŭłady biezumoŭna i biez pramarudžvańnia vyzvalić usich palitviaźniaŭ i spynić kampaniju represijaŭ, — zajaviŭ Karpienter. — My nadalej zaklikajem biełaruskija ŭłady vykanać rekamiendacyi niezaležnaj ekśpiertnaj misii ŭ miežach Maskoŭskaha miechanizmu i pryniać značnyja zachady dla vyrašeńnia prablemaŭ, vyznačanych u ramkach Vienskaha miechanizmu.

Biełaruskija ŭłady pavinny apieratyŭna ŭstupić u spryjalny, usioabdymny i sapraŭdny nacyjanalny dyjałoh z demakratyčnaj apazicyjaj i hramadzianskaj supolnaściu, jaki pryviadzie da novych svabodnych i spraviadlivych prezidenckich vybaraŭ pad mižnarodnym nazirańniem i z ulikam rekamiendacyjaŭ BDIPČ».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?