Pucin na na Piskaroŭskich mohiłkach, pieciarburžcy — čakajuć. Fota: TASS
Kadry, dzie Pucin idzie pa Piskaroŭskich mohiłkach, a pieciabruržcy stajać za aharodžaj mohiłak, vyklikali vialiki rezanans.
27 studzienia pieciabruržcy — u tym liku błakadniki i tyja, u kaho ŭ błakadu zahinuli svajaki, — prychodziać na Piskaroŭskija miemaryjalnyja mohiłki, miesca masavaha pachavańnia abaroncaŭ i žycharoŭ Leninhrada, jakija zahinuli ŭ błakadu padčas Vialikaj Ajčynnaj vajny.
U Pucina tam pachavany brat, jon šmat razoŭ u hety dzień naviedvaŭ miemaryjał. Ale sioleta z-za pandemii abmiežavańni, źviazanyja ź vizitam prezidenta, akazalisia niezvyčajnymi. Ludziej na mohiłki nie puskali z ranicy, da adjezdu Pucina, im daviałosia čakać za aharodžaj, niahledziačy na śniehapad i maroz.
Ekskursavod Nikałajeva patrapiła na videa ŭ ŚMI paśla taho, jak vyjšła za aharodžu mohiłak, kab papiaredzić prysutnych, što da 15 hadzin uvachod budzie začynieny. Jana raskazała, što ludziej nie puskajuć na mohiłki padčas vizitaŭ vysokapastaŭlenych asob kožny hod — nie tolki, kali pryjazdžaje prezident.
Zvyčajnaja, pavodle jaje słoŭ, i prysutnaść snajpieraŭ na dachu ŭvachodnaha paviljona — fatahrafija ŭ ŚMI, na jakoj bačnyja snajpiery, nie była fejkam, paćvierdziła jana.
Adnak siłaviki, pavodle jaje nazirańniaŭ, na hety raz źviarnuli ŭvahu i na toje, nakolki biaśpiečny śnieh na mohiłkach.
«Prykładna za paŭhadziny [da vizitu Pucina] pryjechała śpiecmašyna, adtul vyjšli ludzi, apracavali niečym hurby i zjechali», — raspaviała jana «Novoj hazietie». «Śnieh raniej nikoli nie apracoŭvali», — dadała supracoŭnica miemaryjała.
Pucin u čaćvier uskłaŭ vianok da manumienta «Maci-Radzimy» i bukiet da brackaj mahiły, dzie, pa słovach surazmoŭcy Bi-bi-si, pachavany jaho brat (i dzie ŭžo lažaŭ vianok).
Tych, chto nieśli vianok, «pryvieźli na asobnaj mašynie, i nichto da ich nie padychodziŭ uvohule, akramia prezidenta niepasredna na ŭskładańni», śćviardžaje jana.
Rabotniki miemaryjała abmiarkoŭvali pamiž saboj, što «vienkanoscy» da mierapryjemstva znachodzilisia na karancinie. Raniej paviedamlałasia pra karantyn dla tych, chto absłuhoŭvaje prezidenta Rasii ci ź im sustrakajecca.
Na sajcie miemaryjała była abjava, što mohiłki začynienyja dla naviedvańnia da 15:00. Pres-sakratar prezidenta Dźmitryj Piaskoŭ kazaŭ Bi-bi-si, što z-za vizitu prezidenta ludziej prasili pačakać 10-15 chvilin.
Pucin, pavodle Piaskova, na karanavirus nie chvareŭ.
Pucin u Pieciarburhu ŭšanavaŭ pamiać zahinułych u błakadu. Usim astatnim uvachod na mohiłki pierakryli FOTAFAKT
Łukašenka pryznaŭsia, što chvorym na kavid sustrakaŭ vajskoŭcaŭ, jeździŭ na Rastvo ŭ carkvu i ŭručaŭ premii
