Z 1-ha lutaha biudžet pražytkovaha minimumu składzie 329,35 rubla, było — 321,22 rubla. Dla pracoŭnych BPM ciapier budzie składać 329,35 rubla, dla piensijanieraŭ — 224,1 rubla, dziaciej da troch hod — 187,04, dziaciej ad 3 da 6 hod — 259,47 i dla dziaciej va ŭzroście ad 6 da 18 hod — 317,33 rubla.
U suviazi z rostam BPM pieraraźličać sacyjalnyja piensii, nadbaŭki i pavyšeńni, dapłaty piensijanieram, starejšym za 75 hod.
Tak, dapłata dla luziej, starejšych za 80 hod składzie 65,72 rubla, va ŭzroście ad 75 da 80 hod — 49,29.
Pavieličeńnie BMP adlustrujecca i na dziciačaj dapamozie. Tak, vypłata pry naradžeńni pieršaha dziciaci składzie 2965,5 rubla (raniej — 2880,1), druhoha i nastupnych dziaciej — 4 151,7 (raniej — 4 032,14).
U suviazi z pavieličeńniem siaredniamiesiačnaha zarobku (jon pieraraźličvajecca dvojčy na hod — 1 lutaha i 1 žniŭnia) vyraście dapamoha pa dohladzie za dziciom va ŭzroście da 3 hod — prykładna na 8,8%. Dapamoha na pieršaje dzicia składzie 539,56 rubla (heta 35% ad siaredniaha zarobku pa krainie za kvartał, pavialičyli amal na 44 rubli), na druhoha i nastupnych — 566,56 rubla (40%, pavialičyli na 50 rubloŭ), na dzicia s invalidnaściu — 637,72 (45% ad siaredniaha zarobku, pavialičyli na 56 rubloŭ).
Novy pamier BMP budzie dziejničać da kanca krasavika 2022-ha.
Pavialičacca padatki dla ipešnikaŭ
Sioleta ŭ Padatkovy kodeks unieśli źmieny. Za studzień indyvidualnyja pradprymalniki płacili padatak jašče pa starych staŭkach, a z 1-ha lutaha adziny padatak jany buduć płacić užo pa novych.
Heta tyčycca ipešnikaŭ, jakija trapili pad abmiežavańni, pamier vypłaty dla ich pavialičvajecca ŭ try razy. Da padatkovych źmien jany pracavali pa sproščanaj sistemie i płacili 5% padatku. Ciapier daviadziecca pierachodzić na ahulnuju sistemu z padatkam u 16%.
Vyraście kamunałka
1-ha studzienia padniali taryfy na žyllova-kamunalnyja pasłuhi, tamu ź lutaha pačniom płacić užo pa novych staŭkach.
Tak, suma ŭ žyroŭcy dla typavoj dvuchpakajoki, dzie žyvuć try čałavieki, pavialičycca prykładna na 11 rubloŭ.
Charčavańnie dziaciej u škołach stanie daražejšym
Urad skarektavaŭ normy pa charčavańni dziaciej u sadkach i škołach. Ciapier charčavańnie dziaciej va ŭzroście ad 1 da 3 hadoŭ kaštuje 2,96 rubla za dzień (było 2,75), 3-7 hod — 3,85 (było 3,51), dla małodšych školnikaŭ — 2,52 (było 2,19), dla dziaciej starejšaj škoły — 2,94 (było 2,44). Za miesiac vychodzić prykładna 60 rubloŭ na adno dzicia.
Pavialičacca ekspartnyja myty na naftu
Urad pavyšaje staŭki ekspartnaj myty na naftu i naftapradukty, jakija vyvoziać za miežy Jeŭrazijskaha ekanamičnaha sajuza:
- na syruju naftu, mazut, bitum naftavy, vazielin i parafin, adpracavanyja naftapradukty — da $43,8 za tonu (raniej — $38,7);
- na pramahonny bienzin da $24 za tonu (raniej $21,2);
- na tavarnyja bienziny, dyzielnaje paliva, lohkija, siarednija dystylaty, bienzoł, tałuoł, kisłoły, masła zmazačnaje — da $13,1 za tonu (raniej — $11,6).
Pavysiać ceny na cyharety
Hrodzienskaja tytuniovaja fabryka z 1 lutaha pavysić ceny na 10 kapiejek, u tym liku na NZ Safari — da 1,8 rubla, Queen Charm, Queen Elegance, Queen Menthol — da 1,6 rubla, portal ONE — da 1,5 rubla, NZ Safari Pride — da 2,45 rubla.
Kampanii «Tytuń-inviest», «Biełaruśhandal» i «Inter Tabaka» nie anansavali pavyšeńnia cenaŭ z 1 lutaha.
Kolki hrošaj atrymlivaje biudžet ad škodnych zvyčak biełarusaŭ?
«U nas u horadzie niama takoha popytu, kab płacić takija padatki». Ipešniki razvažajuć, jak pracavać u novych umovach
