U kampanii taksama zajavili, što ich samaloty nie pavinny lotać nad Biełaruśsiu, pakul takija harantyi nie buduć atrymanyja, piša Zerkalo.io.
U paniadziełak, 31 studzienia, kiraŭnik kampanii Ryanair Majkł O'Liry zaklikaŭ biełaruskija ŭłady dać harantyi taho, što incydent z pasadkaj samalota ŭ traŭni 2021 hoda nie paŭtorycca. Toje, što adbyłosia z rejsam Afiny — Vilnia, jon nazvaŭ «spansavanym dziaržavaj aktam mižnarodnaha piractva».
— Nie pavinna być nijakaha pralotu nad Biełaruśsiu, kali nie buduć atrymanyja adpaviednyja harantyi, što situacyja nie paŭtorycca, — zajaviŭ O'Liry.
Samalot kampanii Ryanair ździejśniŭ vymušanuju pasadku ŭ Minsku 23 maja 2021 hoda. Jon lacieŭ maršrutam z Afin u Vilniu. Paśla pasadki siłaviki zatrymali Ramana Pratasieviča i jaho dziaŭčynu Safiju Sapiehu. Paśla hetaha ES aficyjna zabaraniŭ usim biełaruskim avijapieravozčykam vykarystoŭvać svaju pavietranuju prastoru.
