Kali adbudziecca skaračeńnie supracoŭnikaŭ ambasady, jakija majuć biełaruskaje hramadzianstva, to faktyčna nie budzie mahčymaści narmalnaha funkcyjanavańnia i achovy dypłamatyčnaha pradstaŭnictva ZŠA. U suviazi z hetym nie vyklučajecca mahčymaść jaho zakryćcia.
Pa kamientar u Dziaržaŭny departamient ZŠA źviarnułasia Radyjo Svaboda i atrymała nastupny adkaz ad presavaha pradstaŭnika:
«Pasolstva ZŠA ŭ Minsku zastajecca adkrytym i vykonvaje dypłamatyčnyja i konsulskija funkcyi ŭ padtrymku amierykanskich hramadzian. Ad červienia 2021 hoda biełaruskija ŭłady nieadnarazova rabili zachady, kab pahoršyć kadravy skład pasolstva ZŠA ŭ Minsku i abciažaryć praviadzieńnie jaho pracy. My ŭdzielničajem u dyskusijach ź biełaruskim Ministerstvam zamiežnych spraŭ, kab harantavać praciah biaśpiečnaj pracy pasolstva ZŠA ŭ Minsku».
