Ivan Šmuratka. Fota Dźmitryja Pucincava.
U pryvatnaści, karespandent kanała «Matč TV» spytaŭ pa-rusku ŭ fihurysta pra rekamiendacyi Ministerstva sportu i moładzi Ukrainy. Ich ukrainskim spartśmienam, jakija vystupiać na zimovaj Alimpijadzie-2022 u Piekinie, daŭ sam ministr moładzi i sportu Ukrainy Vadzim Hutcajt. Pradstaŭnikam zbornaj Ukrainy zabaranili publična razmaŭlać z rasijanami i znachodzicca pobač ź dziaržaŭnaj simvolikaj Rasii padčas spabornictvaŭ.
Ivan Šmuratka na ruskamoŭnaje pytańnie adkazaŭ pa-anhlijsku, adznačyŭšy:
«Čamu ja razmaŭlaju pa-anhlijsku? Jak vy viedajecie, ja rablu ŭsio, kab być tut. Ja spartoviec, i ŭsia maja praca — na lodzie».
Pytańnie movy znosin ukrainskich spartśmienaŭ padčas intervju było rubam pastaŭlena padčas Jeŭra-2020 pa futbole. Ukrainskija zaŭziatary vykazali tady svajo abureńnie tym, što pradstaŭniki ŭkrainskaj zbornaj davali kamientary na ruskaj movie. Paśla hetaha mnohija ź ich u znosinach z presaj pierajšli na ŭkrainskuju movu.
