Pačałosia ŭsio z chatniaha videa, jakoje źjaviłasia ŭ sacsietkach ź lohkaj ruki jaho brata, na jakim Zuma pinaje svajho bienhalskaha kata, potym haniajecca za im i daje poŭchu, pakul žyviołu trymaje dzicia. Miarkujučy pa zakadravym śmiechu, heta padałosia im śmiešnym. Brytanskija ŚMI paviedamlajuć, što tak futbalist adreahavaŭ na raźbituju katom vazu.

Kadry hvałtu nad žyviołaj vyklikali ŭsieahulnuju hnieŭnuju reakcyju. Kala 200 tys. čałaviek padpisali ŭ internecie pietycyju z patrabavańniem pryciahnuć futbalista da adkaznaści ŭ adpaviednaści z zakonam (za hvałt nad žyviołaj u Brytanii praduhledžanyja surjoznyja štrafy i turemnaje źniavoleńnie terminam da 5 hadoŭ).

U adkaz tut ža pasypalisia prabačeńni — spačatku z boku samoha Zumy, a potym treniera «Viest Chema», jaki vystaviŭ jaho ŭ aŭtorak na matč Premjer-lihi. Hałoŭnamu trenieru kamandy Devidu Mojesu daviałosia zapeŭnivać hramadskaść u svajoj lubovi da žyvioł i apraŭdvacca tym, što «Vest Chemu» nadta patrebnaja była pieramoha ŭ matčy.

Adnak skandał praciahvaŭ razharacca, u abaronu kata vystupili znakamitaści i sponsary kłuba. Padčas matču zaŭziatary abiedźviuch kamand aśvistali futbalista, a papularny televiadučy i ŭ minułym forvard zbornaj Anhlii Hary Linekier zajaviŭ, što ŭzrušany tym, što Zumu vypuścili na hulniu z «Uotfardam», i nazvaŭ hetaje rašeńnie niečałaviečnym.

Palicyja hrafstva Eseks paviedamiła ŭ aŭtorak, što pačała terminovaje rasśledavańnie, adnak, pavodle źviestak haziety Sun, nieŭzabavie admoviłasia zavodzić spravu.

Tym časam Brytanskaje Karaleŭskaje tavarystva abarony žyvioł ad žorstkaha abychodžańnia (RSPCA) kanfiskavała abodvuch katoŭ. U RSPCA zajavili, što katy Zumy byli ahledžanyja vieterynarami, ich zdaroŭju ništo nie pahražaje.

Try sponsary, u tym liku «Adydas», zajavili, što zasmučanyja situacyjaj.

Клас
0
Панылы сорам
0
Ха-ха
0
Ого
0
Сумна
0
Абуральна
0