Lidar biełaruskaj zbornaj, alimpijskaja čempijonka Hanna Huśkova

Lidar biełaruskaj zbornaj, alimpijskaja čempijonka Hanna Huśkova

Na Alimpijadzie ŭ Piekinie zaviaršylisia spabornictvy ŭ fihurnym katańni ŭ mužčyn. Kanstancin Milukoŭ, jaki pradstaŭlaŭ Biełaruś, zaniaŭ 20-je miesca ŭ svabodnaj prahramie, nabraŭšy 222,22 bała. Pieramožcam staŭ amierykaniec Nejtan Čen — 332,60 bały.

Siońnia ŭpieršyniu na Hulniach projduć kamandnyja spabornictvy pa łyžnaj akrabatycy (frystajł). Finał a 14-j pa minskim časie.

Zhodna z praviłami, udzielničajuć try čałavieki (dva chłopcy + dziaŭčyna, abo naadvarot). Ich vyniki sumujucca i pieramahaje zbornaja, jakaja atrymaje najlepšy vynik.

Varta zaznačyć, što z 1998 hoda biełaruskija frystajlisty pryvozili z kožnaj zimovaj Alimpijady miedali. Ale i treniravaŭ ich ŭvieś hety čas adchileny ad zbornaj Mikałaj Kazieka.

Siońnia za zbornuju vystupiać alimpijskaja čempijonka 2018 hoda Hanna Huśkova, a taksama Stanisłaŭ Hładčanka i Maksim Huścik

Taksama projduć spabornictvy na 5000 mietraŭ u kańkabiežnym sporcie. U ich udzielničaje Maryna Zujeva.

Na Alimpijadzie ŭ Piekinie ŭ biełarusaŭ pakul adzin miedal — srebra bijatłanista Antona Smolskaha ŭ indyvidualnaj honcy.

Клас
0
Панылы сорам
0
Ха-ха
0
Ого
0
Сумна
0
Абуральна
0