Šatłandskija navukoŭcy praviali płaceba-kantralavanaje daśledavańnie, u jakim udzielničali 110 čałaviek. Častka ź ich prymała pa 1 hramie paracetamołu čatyry razy na dzień na praciahu dvuch tydniaŭ, inšyja atrymlivali płaceba.

Ranicaj i ŭviečary kožnaha dnia ŭdzielnikam ekśpierymientu vymiarali arteryjalny cisk. Navukoŭcy nazirali, jak źmianiaŭsia siaredni sistaličny cisk (pieršaja i bolš vysokaja ličba, jakaja pakazvaje cisk kryvi ŭ kamierach serca i ŭ arteryjach pry skaračeńni sardečnaj myšcy) za čas pryjomu lekaŭ.

U tych, chto piŭ paracetamoł, siaredni sistaličny cisk vyras z 132,8 da 136,5 mm z chibnaściu ± 10. Płaceba dało pavyšeńnie ad 81,2 da 82,1 mm z chibnaściu ±8. Paśla taho, jak udzielniki daśledavańnia pierastali prymać preparat, ich cisk viarnuŭsia da pieršapačatkovaha ŭzroŭniu.

Navukoŭcy vyśvietlili, što taki rost arteryjalnaha cisku anałahičny tamu, jaki nazirajecca pry pryjomie niesteroidnych supraćzapalenčych preparataŭ (NSZP). «A ryzyka zachvorvańniaŭ serca i insultu akazałasia vyšejšaj na 20%», — skazana ŭ daśledavańni.

Paracetamoł prapanujuć u jakaści bolš biaśpiečnaj alternatyvy NSZP, pakolki apošnija pavyšajuć ryzyku sardečna-sasudzistych zachvorvańniaŭ i ŭpłyvajuć na arteryjalny cisk.

Клас
0
Панылы сорам
0
Ха-ха
0
Ого
0
Сумна
0
Абуральна
0