U płanie padrychtoŭki zakonaprajektaŭ respublikanskimi orhanami na hety hod paznačana, što da vieraśnia pavinien być hatovy prajekt zakona «Ab Usiebiełaruskim narodnym schodzie». Adkaznym za jaho padrychtoŭku pryznačany Miniust, a kantralavać praces budzie Hałoŭnaje ŭpraŭleńnie pa spravach dziaržaŭnych orhanaŭ.

Pry hetym jašče niama ŭpeŭnienaści, što hety zakonaprajekt spatrebicca. Da refierendumu pa novaj Kanstytucyi zastajecca bolš dvuch tydniaŭ, jon projdzie 27 lutaha. A vynikam hałasavańnia moža być pryniaćcie novaha dakumienta abo zachavańnie staroj viersii Asnoŭnaha zakona. Pa vynikach refierendumu rašeńnie ličycca pryniatym, kali za jaho addali hałasy bolš za pałovu hramadzian, jakija pryniali ŭdzieł u hałasavańni.

Farmalna nie vyklučany i varyjant, što refierendum budzie pryznany niesapraŭdnym — kali ŭ hałasavańni voźmie ŭdzieł mienš za pałovu vybarščykaŭ, uniesienych u śpisy.

Raniej staršynia Pałaty pradstaŭnikoŭ Uładzimir Andrejčanka zajaŭlaŭ, što praca nad padrychtoŭkaj zakonaprajekta ab VNS užo idzie.

«Usim deputatam treba padklučacca da hetaha pracesu, unosić prapanovy ŭ Pastajannuju kamisiju pa dziaržaŭnym budaŭnictvie, miascovym samakiravańni i rehłamiencie pa hetym zakonaprajekcie», — kazaŭ jon na pasiadžeńni savieta Pałaty pradstaŭnikoŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0