U Ałmaty 4 studzienia demanstranty nie prosta ŭstupili ŭ sutyčki z palicyjaj, a zdoleli adabrać zbroju. Fota: Reuters.com
Pra heta pierad pieramovami z prezidentam Respubliki Kasym-Žamartam Takajevym zajaviŭ prezident Rasii Uładzimir Pucin, piša RBK.
«Heta naša pieršaja sustreča paśla studzieńskich padziej, kali Kazachstan staŭ, biez usialakaha pierabolšvańnia, achviaraj niejkich mižnarodnych bandaŭ, jakija skarystalisia niaprostaj situacyjaj unutry krainy», — skazaŭ jon.
Akramia hetaha, prezident Rasii adznačyŭ rolu kiraŭnictva respubliki ŭ naviadzieńni paradku i kanstatavaŭ, što situacyja ŭ Kazachstanie paśla studzieńskich padziej adnoŭlenaja.
U svaju čarhu Takajeŭ padziakavaŭ rasijskamu kalehu i paviedamiŭ, što rasijskija miratvorcy adyhrali važnuju rolu ŭ «zabieśpiačeńni tyłu i achovy abjektaŭ». Pavodle jaho słoŭ, na budučych pieramovach baki płanujuć padpisać važnyja pahadnieńni, jakija tyčacca stratehičnaha partniorstva.
