Makron i Pucin padčas sustrečy siadzieli na procilehłych kancach čatyrochmietrovaha stała.
Krynicy ahienctva, znajomyja z pratakołam ab stanie zdaroŭja prezidenta Francyi, paviedamili, što ŭ Makrona byŭ vybar: albo jon zhadžaŭsia na PŁR-test, praviedzieny rasijskimi lekarami, i jamu tady dazvolili b nablizicca da Pucina, albo admaŭlaŭsia, i tady byŭ by vymušany prytrymlivacca bolš strohaha sacyjalnaha dystancyjavańnia.
«My vielmi dobra viedali, što heta aznačaje adsutnaść pocisku ruki i hety doŭhi stoł.
Ale my nie mahli dapuścić, kab jany atrymali DNK prezidenta»,
— skazała adna z krynic, spasyłajučysia na aściarohi adnosna biaśpieki, kali francuzski lidar budzie praviaracca rasijskimi lekarami.
Druhaja krynica ŭ asiarodździ Makrona paćvierdziła, što jon admoviŭsia prajści rasijski PŁR-test. Zamiest hetaha jon zdaŭ francuzski PŁR-test pierad adjezdam i test na antyhien, zrobleny jahonym ułasnym lekaram u Rasii. Ale heta nie akazała na rasijski bok uražańnia. «Rasijanie skazali nam, što Pucina treba trymać u strohaj miedycynskaj burbałcy», — skazała heta krynica.
U čaćvier, praz try dni paśla sustrečy Makrona i Pucina, rasijski lidar pryniaŭ prezidenta Kazachstana Kasym-Žamarta Takajeva. Abodva prezidenty abmianialisia pociskami ruki i sieli pobač, padzielenyja tolki nievialikim kavavym stolikam.
Taksama na minułym tydni Pucin sustrakaŭsia ź vienhierskim premjeram Viktaram Orbanam, i jany siadzieli za tym samym vialikim stałom. Vidać, kiraŭnik Vienhryi, niahledziačy na svaju prarasijskaść, taksama pakidać u Maskvie DNK nie ryzyknuŭ.
