U niadzielu samalot kampanii SkyUp, što lacieŭ z Partuhalii ŭ Kijeŭ, ździejśniŭ pasadku ŭ Kišyniovie. Fota Depositphoto.com
«Urad vydzielić 16,6 młrd hryŭniaŭ (0,52 młrd jeŭra), kab harantavać bieśpierabojnaść palotaŭ u pavietranaj prastory Ukrainy», — paviedamiŭ u niadzielu premjer-ministr Dzianis Šmyhal.
Jon zajaviŭ, što ŭ niadzielu na pazačarhovym pasiadžeńni pryniali źmieny da vykarystańnia srodkaŭ Reziervovaha fondu dziaržaŭnaha biudžetu. Taksama hrošy vydzielili dla harantavańnia biaśpieki palotaŭ va Ukrainie dla strachavych i lizinhavych kampanij.
«Heta rašeńnie dazvolić stabilizavać situacyju na rynku pasažyrskich avijapieravozak i harantavać viartańnie va Ukrainu našych hramadzian, jakija ciapier znachodziacca za miažoj», — dadaŭ Šmyhal.
Raniej paviedamlałasia, što z-za pahrozy ŭvarvańnia Rasii va Ukrainu z 14 lutaha strachavyja kampanii mahli spynić strachavańnie palotaŭ nad Ukrainaj, što mahło pryvieści da admieny bolšaści rejsaŭ.
Kijeŭ nastojvaŭ na tym, što zakryć avijacyjnuju prastoru moža tolki sama Ukraina, adnak z-za prablem sa strachavańniem rejsy mahli admianić sami avijakampanii.